June 30, 2013

షష్టిపూర్తి మహొత్సవమ్


షష్టిపూర్తి మహొత్సవమ్:--

షష్టిపూర్తి అంటే 60 సంవత్సరాలు నిండిన వ్యక్తి మరల ఆరోగ్యం, ఆనందం, ఆయువు వృద్ధికొరకు చేసే వేడుకైన పండుగ. తమ పిల్లలు, మనుమలు కలసి బంధువులు అంతా ఒక దగ్గరచేరి సంతోషంగా జరుపుకొనే వేడుక.
షష్టిపూర్తి చేయవలసిన విధానము-----
ఆయుషు హోమం
జన్మ నక్షత్ర జపం
శాంతి హొమం
దశదానాలు
మొదలగునవి చేస్తారు.
మాంగళ్యధారణ, తలంబ్రాలు వేడుకగా చేసుకుంటారు. ముఖ్యంగా ముగ్గురు దంపతులకు పాదపూజ చేస్తారు.
షష్టిపూర్తి చేసుకొనేవారి తల్లిదండ్రులు ఉన్నట్లయితే వారికి, లేకుంటే వారి పేరు మీద ఇతరులకు.... వారికంటే పెద్దవారికి..... లక్ష్మీనారాయణ స్వరూపంగా భావించి ఒక జంటకు పాదపూజ చెయ్యాలి.
మంగళాస్నానాలప్పుడు పిల్లలే పెద్దలై.... తలకు చమురు పెట్టి స్నానం చేయిస్తారు.
ఇంత ఆనందంగా జరుపుకొనే షష్టిపూర్తి వేడుకల యొక్క తీపి జ్ఞాపకాలు గుర్తుచేసుకుంటూ ఆ దంపతులు తమ మిగిలిన కాలాన్ని ఆనందంగా మరియు ఆరోగ్యంగా గడుపుతారు.
(ఇది నాకు తెలిసినంతవరకు షష్టిపూర్తి యొక్క విశేషాలు..... ఎందుకంటే మా అమ్మానాన్నలకు ఈ విధంగానే 15 సంవత్సరాల క్రితం షష్టిపూర్తి వేడుకలు జరిపాము.)


June 27, 2013

నాయకుడు -- సంస్థ

1. నాయకత్వాన్ని వహించేటప్పుడు సేవకుడిగా ఉండండి. నిస్వార్థంగా ఉండండి. అనంత సహనం కలిగి ఉండండి. అప్పుడు విజయం మీదే.

2. విశ్వాసం, సౌశీల్యం గల ఆరుగురు(కొద్దిమంది) వ్యక్తుల చరిత్రే ప్రపంచ చరిత్ర. మనకు కావలసినవి మూడు --- ప్రేమించే హృదయం భావించే మనస్సు, పనిచేసే చెయ్యి.

3. మిమ్మల్ని ఒక శక్తి జనక యంత్రంగా తయారుచేసుకోండి. మీరు పవిత్రులు, శక్తిమంతులు అయితే మీరొక్కరే ప్రపంచం మొత్తానికి సరితూగగలరు.

4. ప్రేమ, మంచితనం, పవిత్రత మనలో ఎంత అభివృద్ధి చెందితే......బయట ప్రపంచంలో అంట ప్రేమ, మంచితనం, పవిత్రత మనకు కనబడతాయి. పరదూషణ నిజానికి ఆత్మదూషణే. మిమ్మల్ని మీరు సరిదిద్దుకుంటే (ఇది మీరు చేయగలిగిన పనియే) ప్రపంచం తనంతట తానే మీకై సరికాగలదు.

5. అఖండమైన ఉత్సాహం, అపరిమితమైన ధైర్యం, అప్రతిహతమైన శక్తి.......అన్నిటినీ మించి పరిపూర్ణ విధేయత------ఈ లక్షణాలే ఒక వ్యక్తినిగానీ, ఒక దేశాన్నిగానీ పునరుజ్జీవింప చేయగలవు.

6. సహనశీలురై ఒకరినొకరు విశ్వాసపాత్రులై ఉండండి. మీలో మీరు తగవులాడుకోవద్దు. ఆర్ధికలావాదేవీలలో పరిపూర్ణమైన పారదర్శకతను (స్వచ్ఛతను) కలిగి ఉండండి. మీకు విశ్వాసం, నిజాయితీ, శ్రద్ధాభక్తులు ఉన్నంత వరకు సర్వం వికాసాన్ని పొందుతుంది.

7. మీరందరూ స్వలాభాన్ని, వర్గకీచులాటలను, అసూయను విడిచిపెట్టండి. భూమాతవలె ఓర్మి కలిగి ఉండండి. దీనిని మీరు సాధించగలిగితే లోకమే మీకు పాదాక్రాంతమవుతుంది.

8. విమర్శించటం విడిచిపెట్టండి. ఎదుటివారు చేసే పని మంచిదైతే మీకు చేతనైన సహాయం చేయండి. వారు తప్పుద్రోవ పడుతున్నారనిపిస్తే వారి తప్పులను సున్నితంగా తెలియచేయండి. ఒకరినొకరు తప్పుపట్టుకోవటమే అన్ని అనర్థాలకు మూలం. సంస్థల వినాశనానికి ముఖ్యకారణం కూడా ఇదే.

9. సంఘటితంగా పనిచెయ్యటం కావాలి. నీవు నన్ను అర్థంచేసుకుంటావా? మీకెవరికైనా బుర్రలో ఈ పాటి మేథాశక్తి ఉందా ? ఉంటే మీ మనస్సును పనిచేయనివ్వండి.

10. నిస్స్వార్థంగా పని చెయ్యండి. మరొకరిని చాటుగా దూషిస్తున్న మిత్రుని మాటలను ఎన్నడూ వినవద్దు.

11. కపటం, దుర్మార్గం ఎంత మాత్రం ఉండకూడదు. అల్పశ్వాస పాటి అనైతికత, నలుసంత చెడు విధానం కూడా తగదు.







కర్మ రహస్యం

1. ప్రానమున్నంతవరకు పని చెయ్యండి. నేను మీకు అండగా ఉన్నాను. నేను పోయిన తరవాత కూడా నా అంతరాత్మ మీ వెంటే ఉండి పని చేస్తుంది. ఈ జీవితం వస్తుంది. పోతుంది. సంపద, కీర్తి, భోగాలు మూడునాళ్ళ ముచ్చటే. ఒక ప్రాపంచిక క్షుద్రకీటకంవలె చనిపోవటంకన్నా సత్యాన్ని బోధిస్తూ కార్యరంలో మరణించటం ఉత్తమం. ముందంజ వెయ్యండి.

2. మీలో ప్రతీ ఒక్కరూ, కార్య భారమంతా మీపైనే ఉందన్న భావంతో పని చెయ్యండి.

3. ఏ ఘనకార్యాన్నీ మోసంతో సాధించలేం. అప్రతిహతమైన శక్తి ద్వారా మాత్రమే సమస్త కార్యాలు సాధించబడతాయి. కాబట్టి ధీరత్వాన్ని ప్రదర్శించండి.

4. జనసమూహం కాదు కావలసింది. పామరుల గుంపు ఒక శతాబ్దంలో చేసిన పనికంటే, నిష్కపటమైన హృదయపూర్వకంగా పనిచేసే కొద్దిమంది ఒక్క సంవత్సరంలోనే ఎక్కువగా సాధించగలరు.

5. నా ఆశ, విశ్వాసం మీ వంటివారి మీదనే ఉన్నాయి. యదార్థదృష్టితో నా మాటలను సరిగా అర్థం చేసుకొని, ఆ ప్రకారంగా మీరు కార్యోన్ముఖులవ్వండి. మీకు కావలసినంత సలహా ఇచ్చాను. కొంచమైన ఇప్పుడు ఆచరణలో పెట్టండి. నా మాటలు వినటం ఉపయొగకరమైనదని లోకానికి తెలియనీయండి.

6. ధైర్యంతో కర్తవ్యాన్ని నిర్వహించు. ఓర్పు స్థిరత్వాలతో పనిచేయి.....ఇదే ఏకైక మార్గము ఓర్మి, పవిత్రత, ధైర్యం, స్థిరత్వంతో పనిచేయాలని గుర్తుంచుకొని ముందుకు నడువు. పవిత్రంగా ఉండి నీ ఆదర్శాలకు కట్టుబడి ఉన్నంత కాలం నీకు అపజయం కలుగదు.

7. నీ ప్రతి పనిలోనూ ఆచరణాత్మకతను కనబరచు. ఆచరణ కొరవడిన అనేక సిద్ధాంతాల వల్లే దేశం పూర్తిగా నాసనమైంది.





స్వామీ వివేకానంద సందేశం

స్వామీ వివేకానంద సందేశం 

మన వర్తమాన స్థితి పూర్వకర్మల ఫలితమే, మనకు భవిష్యత్తులో కలిగే స్థితి ప్రస్తుత కర్మల ఫలితంగా పొందవచ్చును అని నిశ్చితమగుతున్నది. కాబట్టి పనులను ఎలా ఆచరించాలో మనం తెలుసుకోవాలి. ఇలా కర్మలను చేసే విధానం తెలుసుకొంటే అద్భుత ఫలితాలను పొందవచ్చును. అల్పకార్యాలుగా పరిగణించబడే వాటిని కూడా తృణీకార భావంతో చేయకూడదు.






శ్రీ కృష్ణ శతకం 91 నుండి 100 వరకు పద్యములు

శ్రీ కృష్ణ శతకం 91 నుండి 100 వరకు పద్యములు

91 శ్లోకం
యమునికి నికcనే నెఱవను
కమలాక్ష జగన్నివాస కామితఫలదా
విమలమగు నీదు నామము
నమరcగ దలcచెదను వేగ ననిశము కృష్ణా ll

భావం
ఓకృష్ణా!తామర పుష్పములవంటి కన్నులు గలవాడా!లోకములకు నివాసమైన వాడా కోరిన కోరికలను ప్రసాదించువాడా ఇఁక మృత్యువునకు నేను ఏ మాత్రము భయపడను.నీ పవిత్ర నామమును ఎల్లపుడు జాగ్రత్తగా స్మరించెదను.

92 శ్లోకం
దండమయా విశ్వంభర
దండమయా పుండరీక దళనేత్రహరీ
దండమయా కరుణానిధి
దండమయా నీకు నెపుడు దండము కృష్ణా  ll

భావం
లోకములను భరించినవాడా!తామరరేకులాంటి కానులు గలవాడా!హరీ దయకు సముద్రము వంటి వాడా!కృష్ణా!నీకు ఎల్లపుడు నమస్కరించెదను.

93 శ్లోకం
నారాయణ లక్ష్మీపతి
నారాయణ వాసుదేవ నందకుమారా
నారాయణ నిను నమ్మితి
నారాయణ నన్ను బ్రోవు నగధర కృష్ణా  ll

భావం
జలము స్థానముగా గల ఓహరీ ! లక్ష్మీదేవికి భర్తయైన వాడా ! అవతారములు దరించినప్పుడు నరరూపమున వచ్చువాడా ! విష్ణుదేవా ! అన్నిలోకములను తనయందే కలవాడా ! నందుని కుమారుడా ! శబ్దమే గమ్యముగా గలవాడా ! నిన్నే నమ్మితిని. నర సమూహమునకు స్థానమైన కృష్ణా ! కొండను ధరించినవాడవు నన్ను కాపాడుము.

94 శ్లోకం
తిరుమణి దురిత విదూరము
తిరుమణి సౌభాగ్యకరము త్రిజగములందున్
తిరుమణి పెట్టిన మనుcజుడు
పరమణిపవిత్రుండు భాగ్యవంతుcడు కృష్ణా  ll

భావం
ఓకృష్ణా!తిరుమణి అనగా త్రిపుండములు పాపములను పోగొట్టును,భాగ్యమిచ్చును సంపదలను కలిగించును, కాబట్టి మూడు లోకములనందును తిరుమణిని ధరించినవాడు పాపరహితుడు,పవిత్రమైన వాడు,ఐశ్వర్య వంతుడు అగుచున్నాడు.

95 శ్లోకం
సర్వేశ్వర చక్రాయుధ
శర్వాణివినుతనామ జగదభిరామా
నిఎవాణనాధ మాధవ
సర్వాత్మక నన్నుగావు సదయత కృష్ణా  ll

భావం
కృష్ణా!నీవు సమస్తమునకు ప్రభువును,సమస్తమునకు లోపల నుండువాడవు.చక్రమును ఆయుధముగా ధరించినవడవు. పార్వతీ దేవి చేత స్మరించబడు పేరుగల వాడవు.మోక్షమునుకు నదిపతివి.లక్ష్మిని భార్యగా గలవాడవు. నన్ను దయతో రక్షింపుము.

96 శ్లోకం
శ్రీధర మాధవ యచ్యుత
భూదర పురుహుతవినుత పురుషోత్తమ ఏ
పాదయుగళంబు నెప్పుడు
మోదముతో నమ్మినాcడ ముద్దుల కృష్ణా  ll

భావం
లక్ష్మీ దేవిని హృదయమున దరించి,ఆమెకు భర్తయైన వాడా,శాశ్వతుడవైన వాడా!దేవేంద్రుని చేత స్తోత్రము చేయబడినవాడా, భూదేవిని దరించినవాడా,పురుషులయందు పరమశ్రేష్టునివైనవాడా,ముద్దులు మూటగట్టెడు రూపముగలవాడా, ఓ కృష్ణా నీ పాదముల జంటను ఎల్లపుడు సంతోషముతో నమ్మి ఉన్నాను.అట్టి నన్ను రక్షింపుము.

97 శ్లోకం
శిరమున తర్నకిరీటము
కరయుగమున శంఖచక్ర ఘనభూషణముల్
ఉరమున వజ్రపు పతకము
సిరినాయక అమరcదాల్తువు శ్రీహరి కృష్ణా  ll

భావం
కృష్ణా!నీవు తలమీద రత్నములు చెక్కిన కిరీటమును కరములందు శంఖము,చక్రము,అనేక గొప్ప అలంకారములను, వక్షఃస్థలమున కౌస్తుభ రత్నముతో కూడిన పతకములను బహు అలంకారముగా నుండునట్లు ధరింతువు.

98 శ్లోకం
అందెలు పాదములందున
సుందరముగ నుంచినావు సొంపలరంగా
మందరధర ముని సన్నుత
నందుని వరపుత్ర నిన్ను నమ్మితి కృష్ణా  ll

భావం
పాదములందు ముద్దులొలుకునట్లుగా అందమైన అందెలను ధరించి ఉన్నావు.మంధర పర్వతమును కూర్మావతారములో మోసినట్టి కృష్ణా మునులచేత నుతులను గైకొనువాడా!నందుని ప్రియపుత్రుడా!నిన్నే నమ్మితిని.నీవే నాకు దిక్కు.

99 శ్లోకం
కందర్పకోటి సుందర
మందరధర నామతేజ మధుసూదన యో
సుందరవిగ్రహ మునిగణ
వందిత మిము దలcతు భక్తవత్సల కృష్ణా  ll

భావం
ఓకృష్ణా!కోటి మన్మదులంత సౌందర్యము కలిగిన్వాడవు.మందర పర్వతమును మోసినవాడను గొప్పపేరు గలవాడవు, మదువను రాక్షసుని చంపిన వాడవును,మునీశ్వరులచే నమస్కరింపబడు వాడవును అయిన నీ సుందర విగ్రహమును ఎల్లపుడును మనస్సులో తలంతును.

100 శ్లోకం
అనుదినము కృష్ణశతకము
వినిన పథించినను ముక్తి వేడుక గలుగున్
ధనధాన్యము గో గణములు
తనయులు నభివృద్ధిపొందు తద్దయు కృష్ణా  ll

భావం
ఓ కృష్ణా!ప్రతిదినము నీ శతకము చదివినను,వినినను వారికి పరలోకమందు ముక్తియు,ఈలోకమందు ధనధాన్యములు పుత్రాభివృద్ది విశేషముగ గలుగును.

101 శ్లోకం
భరద్వాజ సగోత్రుడ
గారవమున గంగకసుతుడన్
పేరు నృసింహాహ్వయుడను
శ్రీ రమణా ! నన్నుగావు సృష్టిని కృష్ణా  ll

భావం
ఓ లక్ష్మీదేవితో కూడిఉన్న శ్రీకృష్ణా ! నేను భారద్వాజస గోత్రమున పుట్టినవాడను, గౌరన్న-  గంగమాంబ అను పుణ్య దంపతుల పుత్రుడను, నృసింహుడు అను పేరుగల నన్ను దయతో కాపాడుము.

శ్రీ కృష్ణ శతకం 81 నుండి 90 వరకు పద్యములు .

81 శ్లోకం
చూపుము నీ రూపంబును
పాపపు దుష్కృతములెల్ల పంకజనాభా
పాపము నాకును దయతో
శ్రీపతి నిను నమ్మునాcడ సిద్దము కృష్ణా ll

భావం
కృష్ణా !కమలనాభా ! శ్రీపతీ నీ మంగళాకారమును చూపుము.  నాపాపములను బాపి కాపాడుము. నిజముగా నిన్నే నమ్మినవాడను.

82  శ్లోకం
నీనామము భవహరణము
నీ నామము సర్వసౌఖనివహకరంబు
న్నీ నామ మమృత పూర్ణము
నీ నామము నే దలంతు నిత్యము కృష్ణా ll

భావం
ఓ కృష్ణా!నీ నామము ఉచ్చరించిన సంసార దుఃఖములు తొలగిపోవును,నీ నామమే సర్వసౌఖ్యముల నిచ్చును,నీ నానమము అమృతముతో నిండి ఉండును,అట్టి నీ నామమునే నేను ఎల్లపుడు స్మరింతును.

83  శ్లోకం
పరులను నడిగిన జనులకు
కురచసుమీ యిదియటంచు గుఱుతుగ నీవు
న్గురుచcడవై వేడితి మును
ధర బాదత్రయము బలిని తద్దయు కృష్ణా  ll

భావం
ఓకృష్ణా!పరులను యాచించుట మనుష్యులకు చులకనకు హేతువని గుర్తించుటకు నీవు ఒక గుజ్జు రూపుదాల్చి బలిని మూడఁడుగుల నేలను వేడితివి గదా!

84  శ్లోకం
పాలను వెన్నయు మ్రుచ్చిల
రోలను మీ తల్లిగట్ట రోషముతోడన్
లీలావినోది వైతివి
బాలుcడవా బ్రహ్మగన్న ప్రభుcడవు కృష్ణా  ll

భావం
ఓకృష్ణా!నీవు పాలు వెన్నలను దొంగలించగా నీ తల్లి కోపించి నిన్ను ఱోటికి గట్ట, నీ వది ఒక లీలావినోదముగా ఎంచితివి.నీవు బ్రహ్మ దేవుని కన్న లోక ప్రభుఁడవు కాని పిల్లవాడవు కాదు.

85  శ్లోకం
రఘునాయక నీ నామము
లఘుపతితో దలcచగలనె లక్ష్మీరమణా
యఘములు బాపుడు దయతో
రఘురాముcడవైన లోకరక్షక కృష్ణా  ll

భావం
ఓకృష్ణా!జగద్రక్షకా!మనస్పూర్తిగా కాకపోయినను ఒకసారి నీ నామము ఏక్షణములో తలచి ఆ క్షణమునందే పాపములు పోగొట్టుదువు అట్టి దయా మూర్తివి నీవు.లోకరక్షకుడవు,రాముని అవతారమూర్తి.

86  శ్లోకం
అప్పా యిత్తువు దయతో
నప్పాలను నతిరసంబు ననుభవశాలీ
యప్పాలను గనుగొనవే
యప్పానను బ్రోవు వేంకటప్పా కృష్ణా  ll

భావం
ఓకృష్ణా!నీవు దయతో తినెడి అప్పాలు,అరిసెలు మొదలగు తియ్యని వస్తువుల ఒసంగుదవు,అట్లే నన్ను దయతోఁ జూడుము.నన్నుఁ బ్రోవుము.

87  శ్లోకం
కొంచెపు వాcడని మదిలో
నెంచకుమీ వాసుదేవ గోవిందహరీ
యంచితముగ నీ కరుణకు
గొంచెము నధికంబు గలదె కొంకయు కృష్ణా  ll

భావం
ఓకృష్ణా!వసుదేవకుమారా!గోవిందా!నేను అల్పుఁడనని సందేహించి ఊరకొనకుము.నీ దయ కొంచెమనియు, గొప్పయనియు లేదు, అందరకును సమానమైనది.

88  శ్లోకం
వావిరి నీ భక్తులకుం
గావరమున నెగ్గుసేయు గర్వాంధుల మున్
దేవ వధించుట వింటిని
నీవల్లను భాగ్యమయ్యె నిజముగ కృష్ణా  ll

భావం
కృష్ణా!నీ భక్తులకు హాని చేయువారిని నీవు ఖండిచితివని వింటిని.నీ వలన లోకములకు శుభమయ్యెను.నీవు నిజముగా భక్తపాలకుఁడవు.నీ వల్లనే మాకు భాగ్యము కలిగినది.

89  శ్లోకం
అయ్యా పంచేంద్రియములు
నుయ్యాలల నూచినట్టు లూచగ నేనున్
నీ యాజ్ఞ దలcపనేరను
కుయ్యాలింపుము మహత్మ గుఱుతుగ కృష్ణా  ll

భావం
కృష్ణా!ఇంద్రియములు నా వశము తప్పి స్వేచ్చగా పరుగెత్తినన్నిటునటు లూపగానే నీ ఆజ్ఞను నేను దలఁచనేరకున్నాను,నామొర వినుము.

90  శ్లోకం
కంటికి రెప్పవిధంబున
బంటుగదా యనుచు నన్ను బాయక యెపుడున్
జంటయు నీ వుండుట నే
కంటకమగు పాపములను గడచితి కృష్ణా  ll

భావం
కృష్ణా!నీకు నేను బంటునుగదా,అనుకొనుచు ఎల్లపుడు నన్ను వెంటబీటుకొని పోయి మనము ఇరువురము జంటగా ఉండుటచేతనే పాపములనుంచి బయటపడగలను.అందుచే ఎల్లపుడు కంటికి రెప్పలాగున నన్ను కాపాడుము.

శ్రీ కృష్ణ శతకం 71 నుండి 80 వరకు పద్యములు

71 వ శ్లోకం:--

ఎటువలె కరిమొర వింటివి
ఎటువలె ప్రహ్లాదు కభయమిచ్చితి కరుణ
న్నటువలె నను రక్షింపుము
కటకట ! నిను నమ్మినాడ గావుము కృష్ణా.

భావం:--
కృష్ణా ! ప్రహ్లాదుని ఎట్లు రక్షింతివో ! గజేంద్రుని ఎట్లు బ్రోచితివో ! అట్లే దయతో నన్ను కాపాడుము. కష్టములు పడినవాడను , నిన్నే నమ్మినవాడను.

72 వ శ్లోకం:--

తట తట లేటికి జేసెదు
కటకట పరమాత్మ నీవు ఘంటాకర్ణు
న్నెటువలె నిపుణుని జేసితి
వటువలె రక్షింపుమయ్య యచ్యుత కృష్ణా.

భావం:--
హే కృష్ణా ! అచ్యుత ఘంటాకర్ణుని ఎటుల నేర్పరిగా, బుద్ధిమంతునిగా చేసితివో, నన్ను అటులే రక్షింపుమయ్యా .

73 వ శ్లోకం:--

తురగాధ్వరంబు జేసిన
పురుషులకును వేరు యిలను పుట్టుటయేమో
హరి ! మిము దలచిన వారికి
యరుదా కైవల్య పదవి యచ్యుత కృష్ణా.

భావం:--
కృష్ణా ! అచ్యుత ! అశ్వమేధయాగము చేసినవారికి జనము లేకున్నచో, నిన్ను దలచినవారికి మోక్షమరుదా (కాదు) ముక్తి లభించును.

74 వ శ్లోకం:--

ఓ భవబంధ విమోచన
ఓ భరతాగ్రజ మురారి యో రఘురామా
ఓ భక్త కామధేనువ
ఓ భయహర నన్నుగావు మో హరి కృష్ణా.

భావం:--
కృష్ణా ! భవబంధములు తొలగించువాడా ! భక్తుల కోరికలిచ్చువాడా ! భరతాగ్రజా ! రామా ! నాపాపములు పోగొట్టి నన్ను కాపాడుము.

75 వ శ్లోకం:--

ఏ తండ్రి కనక కశ్యపు
ఘాతకుడై యతని సుతుని కరుణను గాచెన్
బ్రీతి సురకోటి బొగడగ
నా తండ్రీ ? నిన్ను నేను నమ్మితి కృష్ణా.

భావం:--
కృష్ణా ! ఏ తండ్రి దుర్మార్గుడగు హిరణ్యకశిపుని చంపి అతని సుతుడగు ప్రహ్లాదుని దేవతలు పొగడగా కాపాడెనో, ఆ తండ్రినే నా తండ్రిగా నమ్మితిని, నన్ను కాపాడుము.

76 వ శ్లోకం:--

ఓ పుండరీక లోచన
ఓ  పురుషోత్తమ ముకుంద ఓ గోవిందా
ఓ  పురసంహార మిత్రుడ
ఓ  పుణ్యుడ నన్ను బ్రోవుమో హరి కృష్ణా.

భావం:--
కృష్ణా ! పుండరీకలోచనా ! ముకుందా ! గోవిందా ! పురుషోత్తమా ! శంకరమిత్రా ! మున్నగు నామములు కలిగిన హరీ ! నన్ను బ్రోవుమయ్యా .

77 వ శ్లోకం:--

ఏ విభుడు ఘోర రణమున
రావణు వధియించి లంకరాజుగ నిలిపెన్
దీవించి యా విభీషణు
నా విభు నే దలతు మదిని నచ్యుత కృష్ణా.

భావం:--
కృష్ణా ! ఏ ప్రభువు యుద్ధమునందు రావణుని చంపి విభీషణుని లంకకు రాజుగా చేసెనో అట్టి ప్రభువును నేను ధ్యానించెదను.

78 వ శ్లోకం:--

గ్రహభయ దోషము పొందరు
బహు పీడలు చేర వెఱుచు, పాయును నఘముల్
ఇహపర ఫలదాయక ! విను
తహ తహ లెక్కడివి నిన్ను దలచిన కృష్ణా.

భావం:--
నిన్ను తలచినవారికి గ్రహభయములు కలుగవు. బహుపీడలు కలుగవు. పాపములంటవు. ఇహఫలదాయకా ! కష్టములుండవు.

79 వ శ్లోకం:--

గంగ మొదలైన నదులను
మంగళముగ సేయునట్టి మజ్జనమునకున్
సంగతి గలిగిన ఫలములు
రంగుగ మిము దలచు సాటిరావుర కృష్ణా.

భావం:--
కృష్ణా ! గంగా మొదలైన నదులలో స్నానము చేయుటచే కలుగు ఫలితము, నిన్ను దరిచేరి ధ్యానించుటచే కలుగు ఫలితముతో సమానము కాదు.

80 వ శ్లోకం:--

అ  దండకా వనంబున
కోదండము ! దాల్చినట్టి కోమలమూర్తీ !
నా దండ గావ రమ్మీ
వేదండము కాచినట్టి వేల్పువు  కృష్ణా.

భావం:--
కృష్ణా ! దండకాడవిలో కోదండము దాల్చినవాడవు, గజేంద్రుని కాపాడినవాడవు, నా యెడనుండి, నన్ను కాపాడరమ్ము.


శ్రీ కృష్ణ శతకం 61 నుండి 70 వరకు పద్యములు

61

గజరాజ వరదే కేశవ !
త్రిజగత్కల్యాణమూర్తి దేవ మురారీ !
భుజగేంద్రశయన మాధవ
విజయాప్తుని  నన్ను గావు వేడుక కృష్ణా.

భావం:--
కృష్ణా ! గజరాజును పాలించిన కేశవా ! మూడులోకములందు శుభమైన ఆకారము కలవాడా !మురాసురుని చంపినవాడా ! శేషునిపై పవళించిన వాడా ! మాధవా ! లోకవిషయములలో జయము కల్పించి, నన్ను కాపాడుము.

62

గోపాల ! దొంగ ! మురహర !
పాపాలను పాఱద్రోలు ప్రభుడవు నీవే
గోపాలమూర్తి ! దయతో
నాపాలిట గలిగి బ్రోవు నమ్మితి కృష్ణా.

భావం:--
కృష్ణా ! గోపాలా ! వెన్నదొంగా ! మురాసురుని సంహరించినవాడా ! నా పాపములను పోగొట్టువాడివి నీవేనయ్యా!
నాయందు దయజూపి, నన్ను కాపాడుము.

63

దుర్మతిని మిగుల దుష్టపు
కర్మంబులు జేసినట్టి కష్టుని నన్నున్
నిర్మలుని జేయవలెని
ష్కర్ముడ నిను నమ్మినాను సతతము కృష్ణా.              

భావం:--
కృష్ణా ! చెడుమనస్సు కలవాడను, దుర్మార్గమైన పనులు చేసినట్టి దుష్టుడను, పాపరహితునిగా చేసి పాలిచుమయ్యా ! నిరతము నిన్నే నమ్మియున్నాను కదయ్యా !

64

దుర్వార చక్రకరధర !
శర్వాణీ ప్రముఖ వినుత ! జగదాధారా !
నిర్వాణనాధ ! మాధవ !
సర్వాత్మక నన్నుగావు సరగున కృష్ణా.

భావం:--
కృష్ణా ! వారింపసాధ్యముకాని చక్రము చేతియందు గలవాడా ! పార్వతి మున్నగువానిచే పొగడబడినవాడా !లోకమునకు ఆధారుడైనవాడా ! మోక్షమునకు ప్రభువైనవాడా ! మాధవా ! సర్వాత్మక ! నన్ను కాపాడుము.

65

సుత్రామనుత ! జనార్థన !
సత్రాజిత్తనయనాధ ! సౌందర్యకళా !
చిత్రాపతార ! దేవకి
పుత్రా ! ననుగావు నీకు పుణ్యము కృష్ణా.

భావం:--
కృష్ణా ! ఇంద్రాదివినుతా ! జనార్థన ! సత్యభామా ప్రియా ! దేవకీ తనయా ! నన్ను కాపాడుము, నీకు పుణ్యమగును.

66

బల మెవ్వడు కరి బ్రోవను
బలమెవ్వడు పాండుసుతుల భార్యను గావన్
బలమెవ్వడు రవిసుతునకు
బలమెవ్వడు నాకు నీవె బలమౌ కృష్ణా.

భావం:--
కృష్ణా ! గజేంద్రునకు, ద్రౌపదికి, సుగ్రీవునకు బలమేవ్వరో, అట్టి నీవే నాకును బలము. నన్ను కాపాడుము తండ్రీ.

67

పరుసము సోకిన యినుమును
పరుసగ బంగారమైన వడుపున జిహ్వన్
హరి ! నీ నామము సోకిన
సురపందిత నేను నటుల సులభుడ కృష్ణా.

భావం:--
కృష్ణా ! పరుసవేది సోకిన ఇనుము, బంగారమగునట్లు, మందుడనగు నేనును, నీ నామము ఉచ్చరించిన సన్మార్గుడునిగా అయ్యెదను.

68

ఒకసారి నీదు నామము
ప్రకటముగా దలచువారి పాపము లెల్లన్
వికలములై తొలగుటకును
సకలార్థా ! యజామీళుడు సాక్షియె కృష్ణా.

భావం:--
కృష్ణా ! ఒకసారి నీ నామము స్మరింపగా పాపములు పోవుననుటకు అజామీళుడే సాక్షి గదయ్యా !

69

హరి సర్వంబున గలడని
గరిమను దైత్యుండు బలుక కంబము లోనన్
ఇరవొంద వెడలి చీల్చవె
శరణను ప్రహ్లాదకుండు సాక్షియె కృష్ణా.

భావం:--
కృష్ణా ! నీవు అంతటా కలవని ప్రహ్లాదుడు పలుకగా, స్తంభములోనుండి వచ్చి హిరణ్యకశిపుని చంపితివి. శరణు అనగా వచ్చి కాపాడితివి. అందుకు సాక్షి  ప్రహ్లాదుడే కదయ్యా !

70

భద్రార్చిత పదపద్మసు
భద్రాగ్రజ సర్వలోక పాలక హరి! శ్రీ
భద్రాధిప ! కేశవ ! బల
భద్రానుజ ! నన్ను బ్రోవు భవహర కృష్ణా.

భావం:--
కృష్ణా !  భద్రార్చిత పాదపద్మా ! లోకపాలకా ! భద్రాద్రివాసా ! బలభద్రానుజ ! నా పాపములు పోగొట్టువాడా ! నన్ను రక్షింపుము.



శ్రీ కృష్ణ శతకం 51 నుండి 60 వరకు పద్యములు

51

పంచేంద్రియ మార్గంబుల

గొండెపు బుద్దిని జరించి కొన్ని దినంబుల్

ఇంచుక సజ్జన సంగతి

నెంచగ మిమ్మెరిగినాడ నిప్పుడె కృష్ణా.ll

భావం:--
కృష్ణా ! పంచేంద్రియ వ్యాపారము ననుసరించి ఇంతవరకు తిరిగి సాధు సంగతిచే నేనిప్పుడే నీ మహిమను తెలిసికొంటిని.

52

దుష్టుండ దురాచారుడ

దుష్టచరితుడను  చాల దుర్భుద్దిని నే

నిష్ట నిను గొల్వనేరను

దుష్టుడ నను గావు కావు కరుణను కృష్ణా.

భావం:--
కృష్ణా ! నేను దుష్టుడను, దురాచారుడను, దుష్టబుద్ధిని, కావున నిను సేవింపనేరను, నీవే దయచేసి నన్ను కాపాడుము.

53

కుంభీంద్రవరద ! కేశవ !

జంభాసురవైరి ! దివిజసన్నుత చరితా !

అంభోజనేత్ర జలనిధి

గంభీరా ! నన్ను గావు కరుణను కృష్ణా.

భావం:--
కృష్ణా ! గజేంద్రరక్షకా ! దేవతలచే పొగడబడువాడా ! తామర వంటి కన్నులు సముద్రమువంటి గాంభీర్యము గలవాడా ! దయతో నన్ను కాపాడుము.

54

దిక్కెవ్వరు ప్రహ్లాదుకు

దిక్కెవ్వరు పాండుసుతుల దీనుల కెపుడు

న్దిక్కెవ్వర య్యహల్యకు

దిక్కెవ్వరు నీవె నాకు దిక్కువు కృష్ణా.

భావం:--
కృష్ణా ! ప్రహ్లాదునకు పాండవులకు, దీనులకు, అహల్యకు నీవే దిక్కయితివి. నాకును నీవే దిక్కువు రక్షింపుము.

55

హరి! నీవె దిక్కు నాకును

సిరితో నేతెంచి మకరి శిక్షించి దయం

బరమేష్టి సురలు బొగడcగ

కరిగాంచినరీతి నన్ను గాపుము కృష్ణా.

భావం:--

కృష్ణా ! లక్ష్మీయుతుడవై వచ్చి మొసలిని దునుమాడి ఏనుగును రక్షించినట్లు నన్ను కాపాడుము, నీవే నాకు దిక్కు కృష్ణా !

56

పురుషోత్తమ ! లక్ష్మీపతి !!

సరసిజ గర్భాదిమౌని సన్నుత చరితా !

మురభంజన ! సుర రంజన !

వరదుడవగు నాకు భక్తవత్సల కృష్ణా.

భావం:--
కృష్ణా ! బ్రహ్మమొదలైనవారిచే  కొనియాడబడినవాడా ! మురభంజన ! భక్తుల ప్రేమించువాడా ! నాకు వరములిచ్చి నన్ను కాపాడుము.

57

క్రతువులు తీర్ధాగమములు
వ్రతములు దానములు సేయవలెనా? లక్ష్మీ
పతి! మిము దలచిన వారికి
నతులిత పుణ్యములు గలుగు టరుదా ? కృష్ణా.

భావం:--
కృష్ణా ! యజ్ఞములు , వ్రతములు , తీర్థయాత్రలు , దానములు చేయుటకంటే , మిమ్ములను కొలిచినవారికి, సాటిలేని పుణ్యము లభించును.

58

స్తంభమున వెడలి దానవ
డింభకు రక్షించినట్టి రీతిని వెలయన్ !
అంభోజనేత్ర ! జలనిధి
గంభీరా ! నన్నుగావు కరుణను కృష్ణా.

భావం:--
స్తంభము నుండి వచ్చి, ప్రహ్లాదుని రక్షించినట్లుగా, పద్మము వంటి నేత్రములు గలవాడా ! సముద్రము వంటి గాంభీర్యము గలవాడా !కరుణజూపి నన్ను కూడా కాపాడుము కృష్ణా.

59

శతకోటి భాను తేజా !

అతులిత సద్గుణ గణాడ్య ! యంబుజనాభా

రతినాధ జనక ! లక్ష్మీ

పతిహిత ననుగావు భక్తవత్సల కృష్ణా.

భావం:--
కృష్ణా ! అనేక సూర్యుల తేజము గలవాడా ! లక్ష్మీనాధా ! మన్మధునకు తండ్రీ !మంచి గుణములు గలవాడా !భక్తవత్సలా ! నన్ను కాపాడవయ్యా !

60

మందుడనే  దురితాత్ముడ

నిందల కొడిగట్టి నట్టి నీచున్నన్నున్

సందేహింపక కావుము

నందుని వరపుత్ర ! నిన్ను నమ్మితి కృష్ణా


భావం:--
కృష్ణా ! నేను మందుడను, నీచుడను, దురితాత్ముడను, నిన్నే నమ్మితిని, నన్ను సందేహింపక కాపాడుము తండ్రీ !
    

శ్రీ కృష్ణ శతకం 41 నుండి 50 వరకు పద్యములు

41 వ శ్లోకం 

వడుగవువై మూడడుగుల
నడిగితివా బలిని భళిర, యఖిల జగంబుల్
తొడిగితివి నీదు మేనున
గడుచిత్రము నీ చరిత్ర ఘనుడవు కృష్ణా.

భావం:--
కృష్ణా ! వామనావతారమెత్తి, బలిని మూడడుగుల భూమినడిగి, లోకములన్నిటిని నీ మేనితో నింపితివి కదయ్యా మహాత్మా ! నీ చరిత్రలు కడు చిత్రములు. 

42 వ శ్లోకం 

ఇరువ దొకమార్లు నృపతుల
శిరముల క్షండించి తౌర చేగొడ్డంటన్
ధర గశ్యపునకు నిచ్చియు
బరగవె జమదగ్ని రామభద్రుడ కృష్ణా.

భావం:--
కృష్ణా !పరశురామావతారము ఎత్తి ఇరువుదొక్కమార్లు రాజులను హతమార్చి, తెచ్చుకున్న రాజ్యాలను కశ్యపునకు యిచ్చితివి కదా ! నీ మహిమలు తెలుసుకొనలేకపోతిమి కదా ! 

43 వ శ్లోకం 

దశకంఠుని బరిమార్చియు
కుశలముతో సీత దెచ్చు కొనియు నయోధ్య
న్విశదముగ కీర్తి నేలిన
దశరథ రామావతార ధన్యుడ కృష్ణా.

భావం:--
కృష్ణా ! రామావతారమెత్తి రావణుని హతమార్చి, సీతను తెచ్చి అయోధ్యను కీర్తితో పాలించిన ధన్యుడవు కదయ్యా !

44 వ శ్లోకం 

ఘనులగు ధేనుక ముష్టిక
దనుజుల జెండాడి తౌర తగ భుజశక్తిన్
అనఘాత్మ? రేవతీ పతి
వనగ బలరామమూర్తి యౌగద కృష్ణా.

భావం:--
కృష్ణా ! బలసాలురగు ధేనుక, ముష్టికులను దనుజులను చంపి, సుజనులను రక్షించిన రేవతీ విభుడవగు బలరాముడవు నీవే కదా !

45 వ శ్లోకం 

త్రిపురాసుర భార్యల నతి
నిపుణతతో వ్రతము చేత నిలిపిన కీర్తుల్
కృపగల రాజవు భళిరే
కపటపు బౌద్దావతార ఘనుడవు కృష్ణా.

భావం:--
కృష్ణా ! నీవు త్రిపురాసుర భార్యల శీలము చెరచి, వారి భర్తలను సంహరింపచేసిన బుద్ధవతారుడవు కదా !

46 వ శ్లోకం 

వెలిపపు తేజీ నెక్కియు
నిలపై ధర్మంబు నిలుప హీనుల ద్రుంపన్
కలియుగము తుదిని వేడుక
కలికివి గానున్న లోకకర్తవు కృష్ణా.

భావం:--
కృష్ణా ! ధర్మము నిలుపుటకు దుర్మతుల చంపుటకు, కలియుగాంతమందు నీవు కలికి రూపాన గుఱ్ఱమునెక్కి సంచరించెదవు కదా !

47 వ శ్లోకం 

వనజాక్ష ! భక్తవత్సల
ఘనులగు త్రైమూర్తులందు కరుణానిధివై
కన నీ సద్గుణ జాలము
సనకాది మునీంద్రులెన్నజాలరు కృష్ణా.

భావం:--
కృష్ణా ! భక్తవత్సలా ! త్రిమూర్తి స్వరూపుడవు, దయానిధివి, అయిన నీ గుణజాలము సనకాది మునీంద్రులను పొగడజాలరు. 

48 వ శ్లోకం 

అపరాధ సహస్రంబుల
నపరిమితములైన యఘము లనిశము నేనున్
గపటాత్ముడనై జేసితి
చపలుని ననుగావు శేషశాయివి కృష్ణా.

భావం:--
శేషసాయివగు కృష్ణా ! తప్పులు చేసితిని, పాపాత్ముడను, కపటుడను, చపలుడను, అగు నన్ను కాపాడుమయ్యా !

49 వ శ్లోకం 

నరపశుడ మూఢచిత్తుడ
దురితారంభుడను మిగుల దోషగుడనునీ
గుణు తెఱుగ నెంతవాడను
హరి నీవే ప్రావు దాపు వౌదువు కృష్ణా.

భావం:--
కృష్ణా ! నరపశువును ! అజ్ఞానుడను, దోషిని, నిన్ను తెలుసుకోలేనివాడను, నన్ను తోడునీడై ఎల్లప్పుడూ కాపాడుము తండ్రీ. 

50 వ శ్లోకం 

పరనారీ ముఖపద్మము
గుఱుతుగ నొయ్యారినడక గొప్పును నడుము
న్నరయంగనె మోహింతురు
నిరతము నిను భక్తిగొల్వ నేర్వరు కృష్ణా.

భావం:--
కృష్ణా ! జనులు పరస్త్రీల ముఖమును, నడకను, కొప్పు, నడుము మొదలైనవి చూడగనే కామింతురు. కానీ నిన్ను భక్తితో కొలుచుట తెలియదు కదా అట్టివారికి.

శ్రీ కృష్ణ శతకం 31 నుండి 40 వరకు పద్యములు

శ్రీ కృష్ణ శతకం 31 నుండి 40 వరకు పద్యములు 

31 వ శ్లోకం                                                           
దుర్భరబాణము రాగా
గర్భములోనుండి "యభవ !గావు" మటన్నన్
నిర్భరకృప రక్షించితి
వర్భకు నభిమన్యుసుతుని నచ్యుత కృష్ణా.                                

భావం:--
కృష్ణా ! వచ్చిన బాణమునకు భీతిల్లి ఉత్తర గర్భమందు ఉండి "కృష్ణా కావు" మనివేడి అభిమన్యుని కుమారుడగు పరీక్షిత్తుని కాపాడితివి. నీవు ఆర్తత్రాణపరాయణుడవు కదయ్యా మాధవా !
32 వ శ్లోకం 
గిరులందు మేతివౌదువు
సురలందున నింద్రుడౌదువు చుక్కలలోనన్
బరమాత్మ చంద్రుడౌదువు
నరులందున నృపతి వౌదు నయముగ కృష్ణా.

భావం:--
కృష్ణా ! నీవు గిరులలో మేరువువు, దేవతలలో ఇంద్రుడవు, చుక్కలలో చంద్రుడవు, నరులలో రాజువు, అయినవాడవు కావున నీవు అన్నిటి యందును అధికుడవయ్యా . 

33 వ శ్లోకం 
చుక్కల నెన్నగ వచ్చును
గ్రక్కున భూరేణువులను గణుతింప నగున్
జొక్కపు నీ గుణ జాలము
నక్కజమగు లెక్కపెట్ట నజునకు కృష్ణా.

భావం:--
కృష్ణా ! చుక్కలను, భూరేణువులను లెక్కించవచ్చును. కానీ బ్రహ్మకైనను నీ గుణములు లెక్కింప సాధ్యము కాదు కదయ్యా !

34 వ శ్లోకం 
కుక్షిని నఖిల జగంబులు
నిక్షేపము జేసి ప్రళయ నీరధి నడుమన్
రక్షక ! వటపత్రముపై
దక్షత పవళించునట్టి ధన్యుడ కృష్ణా.

భావం:--
కృష్ణా ! నీ ఉదరములో జగములను దాచి, ప్రళయకాలమందు వటపత్రముపై పవళించియుందువు కదా ! వటపత్రశాయి అన్న కీర్తిశాలివి కదయ్యా నీవు.
35 వ శ్లోకం 
విశ్వోత్పత్తికి బ్రహ్మవు
విశ్వము రక్షింపదలచి విష్ణుడ వనగా
విశ్వము జెరుపను హరుడవు
విశ్వాత్మక ! నీవె యగుచు వెలయగ కృష్ణా.

భావం:--
కృష్ణా ! సృష్టింప -- బ్రహ్మవు, పెంచ -- విష్ణుడవు, నశింప(త్రుంప) -- శివుడవుగా వెలసిన 
త్రిమూర్తిస్వరూపుడవు నీవే కదయ్యా !

36 వ శ్లోకం 
అగణిత వైభవ ! కేశవ !
నగధర ! వనమాలి ! యాదినారాయణ !యో
భగవంతుడ ! శ్రీమంతుడ !
జగదీశ్వర ! శరణు నీకు శరణము కృష్ణా.

భావం:--
శ్రీకృష్ణా ! ఎక్కువ వైభవం కలవాడా ! కేశవా ! నగధర ! వనమాలీ ! ఆదినారాయణా ! భగవంతుడా ! శ్రీమంతుడా ! జగదీశ్వరా ! మున్నగు బిరుదములు గల ఓ కృష్ణా ! నిన్ను శరణుజొచ్చితిని, నన్ను కాపాడుము. 

37 వ శ్లోకం 
మగ మీనమవై జలనిధి
పగతుని సోమకుని జంపి పద్మభవునకు
న్నిగమములు దెచ్చి యిచ్చితి
సుగుణాకర! మమ్ము గరుణ జూడుము కృష్ణా.

భావం:--
కృష్ణా ! మత్స్యావతారమెత్తి, సముద్రములో దాగిన సోమకుని చంపి, వేదములు బ్రహ్మకు అందించిన దేవా ! మమ్ము దయతో పాలింపుమయ్యా..... 

38 వ శ్లోకం 
అందఱు సురలును దనుజులు
పొందుగ క్షిరాబ్దిదరువ పొలుపున నీ వా
నందముగ కూర్మ రూపున
మందరగిరి యెత్తితౌర మాధవ కృష్ణా.

భావం:--
కృష్ణా ! దేవాసురులు మందరగిరిని కవ్వముగా చేసి, పాలసముద్రమును చిలికినపుడు, గిరి క్రుంగిపోతుండగా, నీవు కూర్మ రూపుడవై గిరినెత్తి, వారిని బ్రోచితివి కదా ! మమ్ము దయచూడుమయ్యా !

39 వ శ్లోకం 
ఆది వరాహుడవయి నీ
వా దనుజ హిరణ్య నేత్రు హతుజేసి తగన్
మోదమున సురలు పొగడగ
మేదిని కిటి ముట్టికెత్తి మెరసితి కృష్ణా.

భావం:--
కృష్ణా !నీవు ఆదివరాహావతారమెత్తి, హిరణ్యాక్షుని చంపి, భూమిని కోరలపై ఎత్తి, దేవతలు పొగడగా ప్రకాశించితివి కదా !

40 వ శ్లోకం 
కెరలి యఱచేత కంబము
నరుదుగ వేయుటను వెడలి యసురేశ్వరునిన్
ఉరమును జీరి వధించితి
నరహరి రూపావతార నగధర కృష్ణా.

భావం:--
కృష్ణా ! హిరణ్యకశిపుడు స్తంభమును అరచేత తట్టగా, అందుండిన నీవు నరసింహావతారుడవై వెడలి, వాని వక్షము చీల్చి సంహరించితివి కదా !

శ్రీ కృష్ణ శతకం 21 నుండి 30 వరకు పద్యములు

శ్రీ కృష్ణ శతకం 21 నుండి 30 వరకు పద్యములు 

21 శ్లోకం:--
అండజవాహన వినుబ్ర
హ్మండంబుల బంతులపట్ల యాడెడు నీ వా
కొండల నెత్తితి వందురు
కొండిక పనిగాక దొడ్డకొండా కృష్ణా.

భావం:--
కృష్ణా ! బ్రహ్మాండములను బంతులాడినట్లు, ఆడింప సామర్ధ్యముగల నీకు, కొండలను ఎత్తుట తేలికయైన పనియేయగును కదా !

22 శ్లోకం:--
అంసాలంబిత కుండల
కంసాంతక! నీవు ద్వారకపురిలోనన్
సంసారరీతి నుంటివి
హంసేంద్ర! విశాలనేత్ర అచ్యుత కృష్ణా.

భావం:--
కృష్ణా ! భుజములను తాకు కుండలములు కలవాడా ! కంసాది దుష్టులను వధించి, కారణజన్ముడవయి కూడా, ద్వారకానగరిలో మామూలు సంసారివై యుండుట చాలా ఆశ్చర్యము కలిగించితివి. 

23 శ్లోకం:--
పదియాఱువేల నూర్వురు
సుదతులు యెలమండ్రు నీకు సొంపుగ భార్య
ల్విదితంబుగ బహురూపుల
వదలక రమియింతువౌర వసుధను కృష్ణా.

భావం:--
కృష్ణా ! నీవు పదహారువేల గోపికలతో, ఎనిమిదిమంది భార్యలతో, బహురూపములతో నెడతెగక భోగించుచుందువు గదా ! నిజమైన రాజభోగమన్న నీదే కదయ్యా !

24 శ్లోకం:--
అంగన పనుపున ధోవతి
కొంగున నటుకులను ముడుచుకొని వచ్చిన యా
సంగతి విని దయనొస్రుcగితివి
రంగుగ సంపదలు లోకరక్షక కృష్ణా.

భావం:--
కృష్ణా ! తన భార్యయైన వామాక్షీ పంపుటచే, కొంగున అటుకలు మూటకట్టుకొని, దారిద్ర్యభారంతో వచ్చిన, నీ స్నేహితుడగు కుచేలునికి అష్టైశ్వర్యములు ఇచ్చితివి కదా ! 

25 శ్లోకం:--
హా వసుదేవ కుమారక
కావుము నా మాన మనుచు కామిని వేడన్
ఆ వనజాక్షికి నిచ్చితి
శ్రీ వర! యక్షయ మంటంచు చీరలు కృష్ణా.

భావం:--
కృష్ణా ! కురుసభలో ద్రౌపతి "హా ! వసుదేవనందన! నా మనమును కాపాడుమని, నిన్ను వేడగా, ఆమెకు ఆక్షయముగా వలువలు ఇచ్చి కాపాడితివి కదా ! నీకు ఆశ్రిత వాత్సల్యము మిక్కిలి ఎక్కువ కదా !

26 శ్లోకం:--
శుభ్రమగు పాంచజన్యము
అభ్రంకష మగుచు మ్రోవ నాహవభూమిన్
విభ్రమలగు దనుజసుతా
గర్భంబుల పగులజేయు ఘనుcడవు కృష్ణా.

భావం:--
కృష్ణా ! శుభ్రమగు పాంచజన్యమును ఆకాశమంటునట్లు మ్రోగించి, యుద్ధభూమిలో అనుజుల గర్భంబులు భేదింపజేయు ఘనుడవు నీవే కదయ్యా !

27 శ్లోకం:--
జయమును విజయున కియ్యవె
హయముల ములుకోల మోపి యదలించి మహా
రయమున రొప్పవే తేరున
భయమున తివుసేన విఱిగి పాఱగ కృష్ణా.

భావం:--
హే శ్రీకృష్ణా ! అర్జునునకు రథసారధివై, గుర్రముల కోలనదిలించి వైరిసేనలు, భయమున చెల్లాచెదరై పారిపోవునట్లుచేసి అర్జునునకు జయమును కూర్చితివి కదా !

28 శ్లోకం:--
దుర్జనులగు నృపసంఘము
నిర్జింపగ దలచి నీవు నిఖిలాధారా !
దుర్జనులను వధియింపను
నర్జును రథచోదకుండ వైతివి కృష్ణా ll

భావం:--
కృష్ణా ! నీవు దుర్జనులగు నృపులను జయించుటకు, దుర్మార్గులను వధించుటకును అర్జునునకు రథచోదకుడవైతివి కానీ, ఇతరమునకు కాదు, ఇందువలన నిఖిలాధరుడవు అనదగినతివి.

29 శ్లోకం:--
శక్రసుతు గాచుకొఱకై
చక్రము చేపట్టి భీష్ము జంపగ చను నీ
విక్రమ మేమని పొగడను
నక్రగ్రహ సర్వలోకనాయక కృష్ణా .

భావం:--
కృష్ణా ! అర్జునుని కాపాడుటకు చక్రము చేతబూనిభీష్ముని చంపబోవు నీ పరాక్రమము ఏమని కొనియాడెదను ! నీ పరాక్రమము అద్భుతము కదా !

30 శ్లోకం:--
దివిజేంద్రసుతుని జంపియు
రవిసుతు రక్షించినావు తఘురాముడవై
దివిజేంద్రసుతుని గాంచియు
రవిసుతు బరిమార్చితౌర రణమున కృష్ణా ll

భావం:--
కృష్ణా ! నీవు రామావతారములో ఇంద్ర తనయుడు అగు వాలిని చంపి, సూర్య తనయుడు అగు సుగ్రీవుని కాపాడితివి. కృష్ణావతారమున సూర్య తనయుడగు కర్ణుని బలహీనుడిని చేసి, ఇంద్రతనయుడు అగు అర్జునుని రక్షించితివి. నీ లీలలు అద్భుతాలు కదయ్యా ! 

శ్రీ కృష్ణ శతకం 11 నుండి 20 వరకు పద్యములు

శ్రీ కృష్ణ శతకం 11 నుండి 20 వరకు పద్యములు 

11 వ పద్యం 
పదునాలుగు భువనంబులు
కుదురుగ నీకుక్షి నిలుపుకొను నేర్పరివై
విదితంబుగ నా దేవకి
యుదరములో నెట్టు లొదిగియుంటివి కృష్ణా.

భావం:--
కృష్ణా ! పదునాలుగు లోకములు నీ ఉదరములో గల వాడవు. నీ తల్లియగు దేవకీ దేవి కడుపులో ఎట్లు అణగియుంటివో ! చాలా చిత్రము నీ లీలలు.

12 వ పద్యం 
అష్టమి రోహిణి ప్రొద్దున
నష్టమగర్భమున బుట్టి యా దేవకికిన్
దుష్టుని కంసు వధింపవె
సృష్టి ప్రతిపాలనంబు సేయగ కృష్ణా.

భావం:--
లోకమును ధర్మయుక్తముగా పాలించుటకు దేవకీ దేవికి ఎనిమిదవ బిడ్డవై పుట్టి, దుర్మార్గుడగు కంసుని చంపితివి కదా ! ఓ కృష్ణా నీ క్రియలు ధర్మాత్మకములు ప్రపంచమును రక్షించునవికదా.

13 వ పద్యం 
అల్ల జగన్నాథుకు వ్రే
పల్లియ క్రీడార్థమయ్యె పరమాత్మునకున్
గొల్ల సతి యా యశోదము
తల్లి యునై చన్నుఁగుడిపె దనరగ కృష్ణా.

భావం:--
కృష్ణా ! జగన్నాధుడవైన నీకు వ్రేపల్లె ఆటస్థలమయ్యెను. గొల్లసతియగు యశోద తల్లియై పాలిచ్చెను. వ్రేపల్లె ధన్యమయ్యెను. యశోద ధన్యురాలయ్యెను.

14 వ పద్యం 
అందెలు గజ్జెలు మ్రోయగ
చిందులు ద్రొక్కుచును వేడ్క చెలువారంగా
నందుని సతి యా గోపిక
ముందర నాడుదువు మిగుల మురియుచు కృష్ణా.

భావం:--
కృష్ణా ! నందుని భార్యయగు యశోద కాళ్ళ గజ్జెలు, అందెలు మ్రోయగా మిగుల వేడుకతో చిందులు త్రొక్కుచు ఆడెదవు. ఆమె అదృష్టమే అదృష్టము.

15 వ పద్యం 
హరిచందనంబు మేనున
కరమొప్పెడు హస్తములను కంకణరవముల్
ఉరమున దత్నము మెఱయఁగఁ
బరిగితివౌ నీవు బాలప్రాయము కృష్ణా.

భావం:--
కృష్ణా ! నీవు చిన్నతనము నందు శరీరమున శ్రీగంథమును, చేతులయందు కంకణధ్వనులు, వక్షమున కౌస్తుభమణియు, మెరయగా అందముగా అగుపించితివి కదా... 

16 వ పద్యం 
పాణితలంబున వెన్నయు
వేణీమూలబునందు వెలయఁపింఛం
బాణిముత్యము ముక్కున
నాణెముగా దాల్చు లోకనాథుఁడ కృష్ణా.

భావం:--
కృష్ణా ! చేతిలో వెన్నముద్దయు, శిరస్సుపై నెమలి పింఛము, ముక్కునందు ముత్తెమును నేర్పుగా ధరించి, లోకమును మోహింపజేసిన శేషశాయివి నీవే కదా .... 

17 వ పద్యం 
మడుగుకు జని కాశియుని
పడగలపై భతరశాస్త్ర పద్దతి వెలయన్
గడు వేడుకతో నాడెడు
నడుగులు నా మదిని దలcతు నచ్యుత కృష్ణా.

భావం:--
కృష్ణా ! అచ్యుతా ! కాళీయుని మడుగుజొచ్చి, కాళీయుని పడగలపై భరతశాస్త్ర పద్ధతిగా, నాట్యమాడిన నీ పాదములను నామదిలో నిరతము ధ్యానింతును. 

18 వ పద్యం 
బృందావనమున బ్రహ్మ
నందార్భకమూర్తి వేణునాదము నీ వా
మందార మూలమున గో
విందాపూరింతువౌర వేడుక కృష్ణా.

భావం:--
కృష్ణా ! బృందావనమందు ఆనందమును గూర్చు బాలుని ఆకారముతో మందార వృక్షమూలమున విలాసముగా వేణువును మ్రోగించుచుందువు కదా. 

19 వ పద్యం 
వారిజనేత్రలు యమునా
వారిని జలకంబులాడవచ్చిన నీవా
చీరలుమ్రుచ్చిలియిచ్చితి
నేరుపురా యదియు నీకు నీతియె కృష్ణా.

భావం:--
గోపికలు యమునా నదిలో స్నానము చేయుటకు రాగా, వారి చీరలను నేర్పుగా దొంగిలించి, తెచ్చితివి. ఇట్లు చేయుట నీనేర్పు వెల్లడియగుటకా ! అటుల చేయుట నీకు తగునటయ్యా ???

20 వ పద్యం 
దేవేంద్రుcడలుకరోడను
వావిరిగా ఱాళ్ళవాన వడిగుఱియింపన్
గోవర్థనగిరి యెత్తితి
గోవుల గోపకుల గాచుకొఱకై కృష్ణా.

భావం:--
కృష్ణా !పూర్వము ఇంద్రుడు కోపముచే గోకులముపై రాళ్ళవాన కురిపించెను. నీవు గోవర్ధనపర్వతమెత్తి అచటి వారిని కాపాడితివి కనుక, మిక్కిలి పరోపకార పరాయణుడవు కదయ్యా !

June 26, 2013

దేశభక్తి గేయాలు---విజయీ విశ్వతిరంగా ప్యారా

రచన: శ్యామ్ లాల్ ప్రసాద్ జీ.

విజయీ విశ్వతిరంగా ప్యారా
ఝండా ఊంఛా రహే హమారా ||ఝండా||

సదా శక్తి బర్సానే వాలా
ప్రేమ సుధా సర్సానే వాలా
వీరోంకో హర్షానే వాలా
మాతృభూమికా తన్ మన్ సారా ||ఝండా||

స్వతంత్రతాకీ భీషణ రణ్ మే
లగ్‌కర్ బడె జోష్ క్షణ్ క్షణ్‌మే
కావే శత్రు దేఖ్‌కర్ మన్‌మే
మిట్ జావే భయ్ సంకట్ సారా ||ఝండా||

ఇన్ ఝండేకే నీచే నిర్భయ్
లే స్వరాజ్య యహ అవిచల నిశ్చయ్
బోలో, భారత్ మాతాకీ జయ్
స్వతంత్రతా హి ధ్యేయ్ హమారా ||ఝండా||

ఇస్ కీ షాన్ నీ జానే పావే
చాహె జాన్ భలేహి జాయె
విశ్వ విజయ కర్ కే దిఖ్ లావే
తబ్ హూవే ప్రణ పూర్ణ హమారా ||ఝండా||


దేశభక్తి గేయాలు---సారే జహాసె అచ్ఛా హిందుస్తాన్ హమారా

రచన: మొహమ్మద్ఇక్బాల్

సారే జహాసె అచ్ఛా హిందుస్తాన్ హమారా
హమ్ బుల్ బులే హై ఇస్‌కే, యే గుల్ సితా హమారా||

పరబత్ వో సబ్ సే ఊంఛా హమ్‌సాయా ఆస్‌మాన్ కా
వో సంతరీ హమారా ! వో పాస్‌బా హమారా||

గోదిమే ఖేల్‌తీహై ఇస్‌కీ హజారో నదియా
గుల్‌షన్ హై జిన్‌కే దమ్‌సే రష్‌కే జినా హమారా||

మజ్ – హబ్ నహీ సిఖాతా ఆపస్‌మె బైర్ రఖ్‌నా
హిందీ హై హమ్ వతన్ హై హిందుస్తాన్ హమారా||



దేశభక్తి గేయాలు----మన స్వతంత్ర్య భారత కేతనమునెత్తి నడువరా

మన స్వతంత్ర్య భారత కేతనమునెత్తి నడువరా
కటి బిగించి రిపుధాటిని కాల రాచి నిలువరా ||
ఆర్ధిక సమతా ఘంటిక అల్లదిగో మ్రోగెనురా
అందరమొక కుటుంబమై ఆనందము కనవలెరా ||
మతసమైక్యతా నినాదమే మనకు బలమురా
గతచరిత్ర తలచి జగద్హితము నేడు కనుమురా ||
ఉదయోజ్వల భాస్కర కిరణోదంచితమురా నభం
భువన మానవాభ్యుదయ విజయమదే మనకు శుభమ్ ||

దేశభక్తి గేయాలు----జాతికి ఊపిరి స్వాతంత్ర్యం, అది జ్యోతిగ వెలిగే చైతన్యం

రచన: సి. నారాయణ రెడ్డిగారు

జాతికి ఊపిరి స్వాతంత్ర్యం, అది జ్యోతిగ వెలిగే చైతన్యం
ఆ చైతన్యం నిలిచిన నాడే సమస్త జగతికి సౌభాగ్యమ్ ||

శిఖరంలా , ప్రతి మనిషీ, శిరసెత్తిన నాడే,
జలనిధిలా ప్రతి హృదయమ్ అలలెత్తిన నాడే,
మానవ జీవన గమనంలో మాయని వెలుగుల మహోదయమ్ ||

ఎప్పటి ఎప్పటి రుచిరస్వప్నం, ఈ స్వాతంత్ర్యం
ఎందరి ఎందరి త్యాగ ఫలం, ఈ స్వాతంత్ర్యం
అందక అందక అందిన ఫలమును అందరికీ అందివ్వండి ||

స్వరాజ్య సిద్ధికి లక్ష్యమేమిటో స్మరించుకోండి
జాతి విధాత వినూత్న ఫలాలను సాధించండి
సమస్యలన్నీ పరిష్కరించే సౌమ్య మార్గం చూపండి ||

కలతలు కక్షలు రేపొద్దు ఏ కులం పేరుతో
మారణ హోమం జరపొద్దు ఏ మతం ముసుగులో
సమైక్య భారత సౌధాగ్రం పై, శాంతి దీపం నిలపండి ||



దేశభక్తి గేయాలు----జయ జయ జయ ప్రియ భారత జనయిత్రీ దివ్య ధాత్రి

రచన: దేవులపల్లి వెంకట కృష్ణ శాస్త్రిగారు

జయ జయ జయ ప్రియ భారత జనయిత్రీ దివ్య ధాత్రి
జయ జయ జయ శత సహస్ర నరనారీ హృదయ నేత్రి

జయ జయ జయ సుశ్యామల సస్య చలచ్చేలాంచల
జయ వసంత కుసుమ లతా చలిత లలిత చూర్ణకుంతల
జయ మదీయ హృదయాశయ లాక్షారుణ పద యుగళా! || జయ ||

జయ దిశాంత గత శకుంత దివ్యగాన పరితోషణ
జయ గాయక వైతాళిక గళ విశాల పద విహరణ
జయ మదీయ మధురగేయ చుంబిత సుందర చరణా! || జయ ||


దేశభక్తి గేయాలు---దేశమును ప్రేమించుమన్నా

రచన: గురజాడ అప్పారావుగారు

దేశమును ప్రేమించుమన్నా
మంచి అన్నది పెంచుమన్నా
వట్టి మాటలు కట్టిపెట్టోయ్
గట్టి మేల్ తలపెట్టవోయ్ !

పాడిపంటలుపొంగి పొర్లే
దారిలో నువు పాటు పడవోయ్
తిండి కలిగితె కండ కలదోయ్
కండ కలవాడేను మనిషోయ్ !

ఈసురోమని మనుషులుంటే
దేశ మేగతి బాగుపడునోయ్
జల్డుకొని కళలెల్ల నేర్చుకు
దేశి సరుకులు నించవోయ్ !
అన్ని దేశాల్ క్రమ్మవలె నోయ్
దేశి సరుకులు నమ్మవెలె నోయ్
డబ్బు తేలేనట్టి నరులకు
కీర్తి సంపద లబ్బవోయ్ !

వెనుక చూసిన కార్యమేమోయ్
మంచిగతమున కొంచమేనోయ్
మందగించక ముందు అడుగేయ్
వెనుక పడితే వెనుకేనోయ్ !

పూను స్పర్దను విద్యలందే
వైరములు వాణిజ్య మందే
వ్యర్ధ కలహం పెంచబోకోయ్
కత్తి వైరం కాల్చవోయ్ !

దేశాభిమానము నాకు కద్దని
వట్టి గొప్పలు చెప్పకోకోయ్
పూని యేదైనాను, వొక మేల్
కూర్చి జనులకు చూపవోయ్ !

ఓర్వలేమి పిశాచి దేశం
మూలుగులు పీల్చేసె నోయ్
ఒరుల మేలుకు సంతసిస్తూ
ఐకమత్యం నేర్చవోయ్
పరుల కలిమికి పొర్లి యేడ్చే
పాపి కెక్కడ సుఖం కద్దోయ్
ఒకరి మేల్ తన మేలనెంచే
నేర్పరికి మేల్ కొల్ల లోయి !

సొంత లాభం కొంత మానుకు
పొరుగువాడికి తోడు పడవోయ్
దేశమంటే మట్టికాదోయి
దేశమంటే మనుషులోయ్ !

చెట్ట పట్టాల్ పట్టుకుని
దేశస్తు లంతా నడవవలె నోయ్
అన్నదమ్ముల వలెను జాతులు
మతములన్నీ మెలగవలె నోయి !

మతం వేరైతేను యేమోయి
మనసు వొకటై మనుషులుంటే
జాతియన్నది లేచి పెరిగీ
లోకమున రాణించు నోయి !

దేశ మనియెడి దొడ్డ వృక్షం
ప్రేమలను పూలెత్తవలె నోయ్
నరుల చెమటను తడిసి మూలం
ధనం పంటలు పండవలె నోయి !

ఆకులందున అణగి మణగీ
కవిత పలకవలె నోయ్
పలుకులను విని దేశమందభి
మానములు మొలకెత్త వలెనోయి !




దేశభక్తి గేయాలు----ఏ దేశమేగినా ఎందు కాలెడినా

రచన: రాయప్రోలు సుబ్బారావుగారు

ఏ దేశమేగినా ఎందు కాలెడినా
ఏ పీఠమెక్కినా, ఎవ్వరేమనినా,
పొగడరా నీ తల్లి భూమి భారతిని,
నిలపరా నీ జాతి నిండు గౌరవము.

ఏ పూర్వ పుణ్యమో, ఏ యోగ బలమో
జనియించినాడ వీ స్వర్గఖండమున
ఏ మంచిపూవులన్ ప్రేమించినావో
నిను మోచె ఈ తల్లి కనక గర్భమున.

లేదురా ఇటువంటి భూదేవి యెందూ
లేరురా మనవంటి పౌరులింకెందు.
సూర్యునీ వెలుతురుల్ సోకునందాక,
ఓడలా ఝండాలు ఆడునందాక,
అందాక గల ఈ అనంత భూతలిని
మన భూమి వంటి చల్లని తల్లి లేదు
పాడరా నీ వీర భావ భారతము.

తమ తపస్సులు ఋషుల్ ధారవోయంగా
సౌర్య హారముల్ రాజచంద్రులర్పింప
భావ సూత్రము కవి ప్రభువులల్లంగ
రాగ దుగ్ధముల్ భక్తరత్నముల్ పిదక

దిక్కులకెగదన్ను తేజమ్ము వెలగ
రాళ్ళ తేనియలూరు రాగాలు సాగా
జగములనూగించు మగతనంబెగయ
సౌందర్యమెగ బోయు సాహిత్యమలర
వెలిగినదీ దివ్య విశ్వంబుపుత్ర
దీవించె నీ దివ్య దేశంబు పుత్ర
పొలములా రత్నాలు మొలిచెరా ఇచట
వార్ధిలో ముత్యాలు పండెరా ఇచట

పృథివి దివ్యౌషధుల్ పిదికెరా మనకూ
కానలా కస్తూరి కాచరా మనకు.
అవమానమేలరా ? అనుమానమేలరా ?
భారతేయుడనంచు భక్తితో పాడ!




దేశభక్తి గేయాలు-----మా తెలుగు తల్లికి మల్లెపూదండ

మా తెలుగు తల్లికి మల్లెపూదండ
రచన: శంకరంబాడి సుందరాచారి

మా తెలుగు తల్లికి మల్లెపూదండ
మా కన్న తల్లికి మంగళారతులు

కడుపులో బంగారు కనుచూపులో కరుణ
చిరునవ్వులో సిరులు దొరలించు మాతల్లి
గల గలా గోదారి కదలి పోతుంటేను
బిర బిరా కృష్ణమ్మ పరుగులిడుతుంటేను
బంగారు పంటలే పండుతాయి
మురిపాల ముత్యాలు దొరలుతాయి

అమరావతీ నగర అపురూప శిల్పాలు
త్యాగయ్య గొంతులో తారాడు నాదాలు
తిక్కయ్య కలములో తియ్యందనాలు
నిత్యమై, నిఖిలమై నిలచియుండేదాక
రుద్రమ్మ భుజ శక్తి, మల్లమ్మ పతి భక్తి
తిమ్మరుసు ధీయుక్తి, కృష్ణరాయల కీర్తి
మా చెవులు రింగుమని మారుమ్రోగేదాక
నీ ఆటలే ఆడుతాం, నీ పాటలే పాడుతాం
జై తెలుగు తల్లీ! జై తెలుగు తల్లీ!



దేశభక్తి గేయాలు-----జన గణ మన

రచన: రబీంద్రనాథ్ ఠాగోర్

జన గణ మన అధినాయక జయహే!
భారత భాగ్య విధాతా!
పంజాబ, సింధు, గుజరాత, మరాఠా,
ద్రావిడ, ఉత్కళ, వంగ!
వింధ్య, హిమాచల, యమునా, గంగ,
ఉచ్చల జలధితరంగ!

తవ శుభనామే జాగే!
తవ శుభ ఆశిష మాగే!
గాహే తవ జయ గాథా!

జనగణ మంగళదాయక జయహే భారత భాగ్యవిధాతా!
జయహే! జయహే! జయహే! జయ జయ జయ జయహే!




దేశభక్తి గేయాలు-----వందేమాతరం

వందేమాతరం

సుజలాం సుఫలాం మలయజ శీతలాం
సస్య శ్యామలాం మాతరమ్ ||వందే||

శుభ్రజ్యోత్స్నా పులకితయామినీం
పుల్లకుసుమిత ద్రుమదల శోభినీం
సుహాసినీం సుమధుర భాషిణీం
సుఖదాం వరదాం మాతరమ్ || వందే ||

కోటికోటి కంఠ కలకల నినాదకరాలే
కోటి కోటి భుజైర్ ధృత కర కరవాలే
అబలా కేయనో మా ఏతో బలే
బహుబల ధారిణీం నమామి తారిణీం
రిపుదలవారిణీం మాతరామ్ || వందే ||

తిమి విద్యా తిమి ధర్మ తుమి హృది తుమి మర్మ
త్వం హి ప్రాణాః శరీరే
బాహుతే తుమి మా శక్తి హృదయే తుమి మా భక్తి
తో మారయి ప్రతిమా గడి మందిరే మందిరే || వందే ||

త్వం హి దుర్గా దశ ప్రహరణ ధారిణీ
కమలా కమలదళ విహారిణీ
వాణీ విద్యాదాయినీ
నమామి త్వాం
నమామి కమలామ్ అమలామ్ అతులాం
సుజలాం సుఫలాం మాతరమ్ || వందే ||

శ్యామలాం సరలాం సుస్మితాం భూషితాం
ధరణీం భరణీం మాతరం.




ఆదిత్య హృదయం

ఆదిత్యహృదయము సూర్యదేవతాకమైన స్తోత్రంగా ప్రసిద్ధి పొందింది. శ్రీమద్రామాయణ యుద్ధకాండమున--- రావణ వధకు సంసిద్ధుడవుచున్న శ్రీరామచంద్రునకు అగస్త్యమహాముని ఈ స్తోత్రమును బోధించినట్లుగా ప్రతీతి. ఈ స్తోత్రమును చదివినవారికి ఆయురారోగ్యాభివృద్ధి, శత్రునాశనము జరుగునని ఆస్తికలోక విశ్వాసము.        

తతౌ యుద్ధ పరిశ్రాంతం సమరే చింతయా స్థితం
రావణం చాగ్రతో దృష్ట్వా యుద్ధాయ సముపస్థితం 1
దైవతైశ్చ సమాగమ్య ద్రష్టుమభ్యాగతో రణం
ఉపగమ్యాబ్రవీద్రామం అగస్త్యో భగవానృషిః 2

తా. తర్వాత, రామ రావణ యుద్ధమును చూచుటకు దేవతలతోకూడ వచ్చియున్న అగస్త్యమహాముని, యుద్ధము చేయుటవలన అలసియున్నవాడును, రావణుని ఎలా వధించాలి అను విచారముతో కూడినవాడును, ఎదుటనున్న రావణుని చూచి, యుద్ధమునకు సిద్ధపడినవాడును ఐన రాముని సమీపించి ఇట్లు అనెను.          

అగస్త్య ఉవాచ:
రామరామహాబాహో శృణు గుహ్యం సనాతనం
యేన సర్వానరీన్ వత్స సమరే విజయష్యసి 3

ఆదిత్యహృదయం పుణ్యం సర్వశత్రువినాశనం
జయావహం జపేన్నిత్యం అక్షయం పరమం శివం 4

సర్వమంగళమాంగళ్యం సర్వపాపప్రణాశనం
చింతాశోకప్రశమనం ఆయుర్వర్ధన ముత్తమం 5

తా.  

రశ్మిమంతం సముద్యంతం దేవాసుర నమస్కృతం
పూజయస్వవివస్వంతం భాస్కరం భువనేశ్వరం 6

తా.  

సర్వ దేవాత్మకో హ్యేశ తేజస్వీ రశ్మిభావనః
ఏశ దేవాసురగణాన్ లోకాన్ పాతి గభస్తిభిః 7

తా.  

ఏశ బ్రహ్మా చ విష్ణుశ్చ శివః స్కందః ప్రజాపతిః
మహేంద్రో ధనదః కాలో యమస్సోమో హ్యపాంపతిః 8

తా.  

పితరో వసవః సాధ్యాః అశ్వినౌ మరుతో మనుః
వాయుః వహ్నిః ప్రజాప్రాణా ఋతు కర్తా ప్రభాకరః 9

తా.  

ఆదిత్యః సవితా సూర్యః ఖగః పూషా గభస్తిమాన్
సువర్ణసదృశో భానుః హిరణ్యరేతా దివాకరః 10

తా.  

హరిదశ్వస్సహస్రార్చిః సప్తసప్తిర్మరీచిమాన్
తిమిరోన్మథనః శంభుస్త్వష్టా మార్తండక అంషుమాన్ 11

తా.  

హిరణ్యగర్భహ్ శిశిరస్తపనో భాస్కరో రవిః
అగ్నిగర్భోఅదితేః పుత్రః శంఖః శిశిరనాశనహ్ 12

తా.  

వ్యోమనాథ స్తమోభెదీ ఋగ్ యజుస్సామ పారగః
ఘన వృష్టిరపాం మిత్రో వింధ్య వీథీ ప్లవంగమః 13

తా.  

ఆతపీ మండలీ మృత్యుః పింగళః సర్వతాపనః
కవిర్విశ్వో మహాతేజా రక్తః సర్వ భవోధ్భవః 14

తా.  

నక్షత్ర గ్రహతారాణాం అధిపో విశ్వ భావనః
తెజసామపి తేజస్వీ ద్వాదశాత్మన్నమోస్తుతే 15

తా.  

నమః పూర్వాయ గిరయే పశ్చిమాయాద్రయె నమః
జ్యోతిర్గణాణాం పతయే దినధిపతయే నమః 16

తా.  

జయాయ జయభద్రాయ హర్యశ్వాయ నమో నమః
నమో నమస్సహస్రాంశో ఆదిత్యాయ నమో నమః 17

తా.  

నమ ఉగ్రాయ వీరాయ సారంగాయ నమో నమః
నమః పద్మ ప్రబోధాయ ప్రచండాయ నమో నమః 18

తా.  

బ్రహ్మేశానాచ్యుతేశాయ సూర్యాయాదిత్యవర్చసే
భాస్వతే సర్వభక్షాయ రౌద్రాయ వపుషె నమః 19

తా.  

తమొఘ్నాయ హిమఘ్నాయ శత్రుఘ్నాయ అమితాత్మనె
కృతఘ్నఘ్నాయ దేవాయ జ్యోతిషాం పతయే నమః 20

తా.  

తప్త చామీక రాభాయ హరయే విష్వకర్మణే
నమస్తమోభినిఘ్నాయ రుచయే లొకసాక్షిణే 21

తా.  

నాశయత్యేష వై భూతం తదైవ సృజతి ప్రభుః
పాయత్యేష తపత్యేష వర్షత్యేష గభస్తిభిః 22

తా.  

ఏష సుప్తేషు జాగర్తి భూతేషు పరినిష్ఠితః
ఏష చైవాగ్నిహోత్రంచ ఫలం చైవాగ్నిహోత్రిణాం 23

తా.  

వేదాశ్చ క్రతవశ్చైవ క్రతూనాం ఫలమేవ చ
యాని కృత్యాని లోకేషు సర్వేషు పరమ ప్రభుః 24

తా.  

ఏనమాపత్సు కృత్ శ్రేషు కాంతారేషు భయేషు చ
కీర్తయన్ పురుషః కశ్చిన్ నావసీదతి రాఘవః 25

తా.  

పూజయస్వైనమేకాగ్రో దేవదేవం జగత్పతిం
ఏతత్ త్రిగుణితం జప్త్వా యుద్ధేషు విజయిష్యసి 26

తా.  

అస్మిన్ క్షణే మహాబాహో రావణం త్వం వధిష్యసి
ఏవముక్త్వా తదాగస్త్యో జగామ చ యథాగతం 27

తా.  

ఏతత్ శృత్వా మహాతెజా నష్టశొకొభవత్తదా
ధారయామాస సుప్రీతొ రాఘవహ్ ప్రయతాత్మవాన్ 28

తా.  

ఆదిత్యం ప్రేక్ష్య జప్త్వా తు పరం హర్షమవాప్తవాన్
త్రిరాచమ్య శుచిర్భూత్వా ధనురాదాయ వీర్యవాన్ 29

తా.  

రావణం ప్రేక్ష్య హ్రుష్టాత్మా యుద్ధాయ సముపాగమత్
సర్వ యత్నేన మహతా వధె తస్య ధృతోభవత్ 30

తా.  

అథ రవి రవదన్నిరీక్ష్య రామం
ముదితమనాః పరమం ప్రహృష్యమానః
నిశిచరపతి సంక్షయం విదిత్వా
సురగణమధ్యగతో వచస్త్వరేతి