జగన్నాధాష్టకం

జగన్నాధాష్టకం:--

రచన: ఆది శంకరాచార్య

కదాచి త్కాళిందీ తటవిపినసంగీతకపరో

ముదా గోపీనారీ వదనకమలాస్వాదమధుపః

రమాశంభుబ్రహ్మా మరపతిగణేశార్చితపదో

జగన్నాథః స్వామీ నయనపథగామీ భవతు మే || 

భుజే సవ్యే వేణుం శిరసి శిఖిపింఛం కటితటే

దుకూలం నేత్రాంతే సహచర కటాక్షం విదధతే

సదా శ్రీమద్బృందా వనవసతిలీలాపరిచయో

జగన్నాథః స్వామీ నయనపథగామీ భవతు మే || 

మహాంభోధేస్తీరే కనకరుచిరే నీలశిఖరే

వసన్ప్రాసాదాంత -స్సహజబలభద్రేణ బలినా

సుభద్రామధ్యస్థ స్సకలసురసేవావసరదో

జగన్నాథః స్వామీ నయనపథగామీ భవతు మే || 

కథాపారావారా స్సజలజలదశ్రేణిరుచిరో

రమావాణీసౌమ స్సురదమలపద్మోద్భవముఖైః

సురేంద్రై రారాధ్యః శ్రుతిగణశిఖాగీతచరితో

జగన్నాథః స్వామీ నయనపథగామీ భవతు మే || 

రథారూఢో గచ్ఛ న్పథి మిళఙతభూదేవపటలైః

స్తుతిప్రాదుర్భావం ప్రతిపద ముపాకర్ణ్య సదయః

దయాసింధు ర్భాను స్సకలజగతా సింధుసుతయా

జగన్నాథః స్వామీ నయనపథగామీ భవతు మే || 

పరబ్రహ్మాపీడః కువలయదళోత్ఫుల్లనయనో

నివాసీ నీలాద్రౌ నిహితచరణోనంతశిరసి

రసానందో రాధా సరసవపురాలింగనసుఖో

జగన్నాథః స్వామీ నయనపథగామీ భవతు మే || 

న వై ప్రార్థ్యం రాజ్యం న చ కనకితాం భోగవిభవం

న యాచే2 హం రమ్యాం నిఖిలజనకామ్యాం వరవధూం

సదా కాలే కాలే ప్రమథపతినా చీతచరితో

జగన్నాథః స్వామీ నయనపథగామీ భవతు మే || 

హర త్వం సంసారం ద్రుతతర మసారం సురపతే

హర త్వం పాపానాం వితతి మపరాం యాదవపతే

అహో దీనానాథం నిహిత మచలం నిశ్చితపదం

జగన్నాథః స్వామీ నయనపథగామీ భవతు మే || 

ఇతి జగన్నాథాకష్టకం

శ్రీ కృష్ణాష్టకం

శ్రీ కృష్ణాష్టకం:

వసుదేవ సుతం దేవం కంస చాణూర మర్దనమ్ |
దేవకీ పరమానందం కృష్ణం వందే జగద్గురుమ్ ||

అతసీ పుష్ప సంకాశం హార నూపుర శోభితమ్ |
రత్న కంకణ కేయూరం కృష్ణం వందే జగద్గురుమ్ ||

కుటిలాలక సంయుక్తం పూర్ణచంద్ర నిభాననమ్ |
విలసత్ కుండలధరం కృష్ణం వందే జగద్గురమ్ ||

మందార గంధ సంయుక్తం చారుహాసం చతుర్భుజమ్ |
బర్హి పింఛావ చూడాంగం కృష్ణం వందే జగద్గురుమ్ ||

ఉత్ఫుల్ల పద్మపత్రాక్షం నీల జీమూత సన్నిభమ్ |
యాదవానాం శిరోరత్నం కృష్ణం వందే జగద్గురుమ్ ||

రుక్మిణీ కేళి సంయుక్తం పీతాంబర సుశోభితమ్ |
అవాప్త తులసీ గంధం కృష్ణం వందే జగద్గురుమ్ ||

గోపికానాం కుచద్వంద కుంకుమాంకిత వక్షసమ్ |
శ్రీనికేతం మహేష్వాసం కృష్ణం వందే జగద్గురుమ్ ||

శ్రీవత్సాంకం మహోరస్కం వనమాలా విరాజితమ్ |
శంఖచక్ర ధరం దేవం కృష్ణం వందే జగద్గురుమ్ ||

కృష్ణాష్టక మిదం పుణ్యం ప్రాతరుత్థాయ యః పఠేత్ |
కోటిజన్మ కృతం పాపం స్మరణేన వినశ్యతి ||