సంతాన గణపతి స్తోత్రం
నమోఽస్తు గణనాథాయ సిద్ధిబుద్ధియుతాయ చ ।
సర్వప్రదాయ దేవాయ పుత్రవృద్ధిప్రదాయ చ ॥
గురూదరాయ గురవే గోప్త్రే గుహ్యాసితాయ తే ।
గోప్యాయ గోపితాశేషభువనాయ చిదాత్మనే ॥
విశ్వమూలాయ భవ్యాయ విశ్వసృష్టికరాయ తే ।
నమో నమస్తే సత్యాయ సత్యపూర్ణాయ శుండినే ॥
ఏకదంతాయ శుద్ధాయ సుముఖాయ నమో నమః ।
ప్రపన్నజనపాలాయ ప్రణతార్తివినాశినే ॥
శరణం భవ దేవేశ సంతతిం సుదృఢా కురు ।
భవిష్యంతి చ యే పుత్రా మత్కులే గణనాయక ॥
తే సర్వే తవ పూజార్థం నిరతాః స్యుర్వరోమతః ।
పుత్రప్రదమిదం స్తోత్రం సర్వసిద్ధిప్రదాయకమ్ ॥
ఇతి సంతానగణపతిస్తోత్రం సంపూర్ణమ్ ॥
No comments:
Post a Comment