October 19, 2015

బతుకమ్మ బతుకమ్మ ఉయ్యాలో

బతుకమ్మ బతుకమ్మ ఉయ్యాలో

బతుకమ్మ బతుకమ్మ ఉయ్యాలో
బంగారు బతుకమ్మ ఉయ్యాలో
పెద్దలకు వచ్చింది ఉయ్యాలో
పెత్రామవాస ఉయ్యాలో

బాలలకు వచ్చింది ఉయ్యాలో
బతుకమ్మ పండుగా ఉయ్యాలో
ముందు నిన్ను దలుతు ఉయ్యాలో
ముత్యాల పోసవ్వ ఉయ్యాలో

హరిని దలిచినాను ఉయ్యాలో
సిరిని దలిచినాను ఉయ్యాలో
పూడూరు ఎల్లమ్మ ఉయ్యాలో
నీకు దండవమ్మ ఉయ్యాలో

బోడగుట్ట సామి ఉయ్యాలో
నీకు మొక్కితినయ్య ఉయ్యాలో
మొక్కినా వారికి ఉయ్యాలో
తోడు నీడ గుండు ఉయ్యాలో

గౌరమ్మ నీ పాట ఉయ్యాలో
ఘనకీర్తి దెచ్చింది ఉయ్యాలో
బతుకమ్మ నీ పాట ఉయ్యాలో
బ్రహ్మదేవుడు మెచ్చె ఉయ్యాలో

తీరొక్క పూలతో ఉయ్యాలో
నిన్ను వేర్తువమ్మ ఉయ్యాలో
పస్పు కుంకుమతోని ఉయ్యాలో
గౌరమ్మను జేసి ఉయ్యాలో

బతుకమ్మలో వెట్టి ఉయ్యాలో
ఆడి పాడుకుంట ఉయ్యాలో
అష్టమీ రోజున ఉయ్యాలో
ఊరి సెర్ల నిన్ను ఉయ్యాలో
భక్తితోడ విడిచి ఉయ్యాలో

బాధ పడుదుమమ్మ ఉయ్యాలో
ఇచ్చుకో వాయినమూ ఉయ్యాలో
పుచ్చుకో వాయినమూ ఉయ్యాలో
ఆడిబిడ్డలకైతే ఉయ్యాలో
ఆనందమాయెనే ఉయ్యాలో
తెలంగాణలోన ఉయ్యాలో
కొండంత పండుగే ఉయ్యాలో.

No comments:

Post a Comment