శ్రీరాముల దివ్యనామ స్మరణ చేయుచున్న చాలు

శ్రీరాముల దివ్యనామ స్మరణ చేయుచున్న చాలు



శ్రీ రాముల దివ్యనామ స్మరణ సేయుచున్న చాలు

ఘోరమైన తపములను కోర నేటికే మనసా
1
తారక శ్రీ రామనామ ధ్యానము జేసిన చాలు 

వేరు వేరు దైవములను వెదక నేటికే మనసా
2
భాగవతుల పాద జలము పైన జల్లుకొన్న చాలు  

భాగీరథికి పొయ్యేననే భ్రాంతి యేటికే
భాగవతుల వాగామృతము పానము జేసిన చాలు 

బాగు మీరనట్టి అమృత పానమేటికె మనసా

3
పరుల హింస సేయకున్న పరమ ధర్మమంతే చాలు 

పరులను రక్షింతునని పల్కనేటికే
దొరకని పరుల ధనముల దోచకయుండితే చాలు 

గురుతుగాను గోపురము గట్టనేటికె మనసా
4

అతిథి వచ్చి ఆకలన్న అన్నమింత నిడిన చాలు 

క్రతువు సేయ వలె ననే కాంక్షయేటికే
సతతము మా భద్రగిరి స్వామి రామదాసుడైన 

ఇతర మతములని యేటి వెతల వేటికే మనసా