భోగిపండ్ల పాట

భోగిపండ్ల పాట 

భోగిపండ్లను పోయరే - ఓ రమణులారా !
మన చిరంజీవులకు - మేలుకలుగగా  ll భోగి ll

విఘ్నేశ్వరుడు వచ్చి - విఘ్నాలు తొలగింప
షణ్ముఖనాధుడు వచ్చి - శాస్త్రాలు వల్లింప
సాయిబాబా వచ్చి - ప్రేమార లాలింప  ll భోగి ll

బ్రహ్మదేవుడు వచ్చి - వేదాలు వల్లింప
విష్ణుదేవుడు వచ్చి వేదాలు వల్లింప
పరమేశ్వరుడు వచ్చి - ఆశీర్వదించంగా  ll భోగి ll

రామచంద్రుడు వచ్చి - రక్షణ చేయంగ
శ్రీకృష్ణుడే వచ్చి - శుభములు పలుకంగ
శ్రీవేంకటేశ్వరుడు - ఆశీస్సులందింప  ll భోగి ll

ఆంజనేయుడు వచ్చి - అభయాలనివ్వంగ
కులదేవతలు వచ్చి - కళాకాంతులివ్వంగ
తులసిదాసుడు వచ్చి - మంగళములు పాడంగ  ll భోగి ll