కోడలా కోడలా కొడుకు పెళ్ళామా
కోడలా కోడలా కొడుకు పెళ్ళామా
పచ్చిపాల మీద మీగడలేవి?
వేడిపాల మీద వెన్నల్లు యేవి?
నూనెముంతల మీద నురగల్లుయేవి ?
అత్తరో ఓయత్త ఆరళ్ళయత్త
పచ్చిపాలమీద మీగడుంటుందా?
వేడిపాల మీద వెన్నలుంటాయా?
నూనె ముంతల మీద నురగలుంటాయా?
ఇరుగు పొరుగులార ! ఓ చెలియలార !
అత్తగారి ఆరళ్ళు చిత్తగించరా?
పెత్తనం లాగేస్తే పేచీలుపోను
ఆరళ్ళ అత్తయిన సవతి పోరయిన
తల్లిల్లు దూరమైన భరియించలేము.
కోడలా కోడలా కొడుకు పెళ్ళామా !
కొడుకు ఊళ్ళోలేడు మల్లెలెక్కడివి?
గంపంత మబ్బేసి గాలి విసిరింది
కొల్లలుగ మల్లెలు కొప్పులో రాలె.
No comments:
Post a Comment