గోదా చతు:శ్లోకి
నీళా తుంగస్తనగిరితటి సుప్త ముద్బోధ్య కృష్ణం
పారార్థ్యం స్వం శ్రుతిశతశిరస్సిద్ద మధ్యాపయన్తీ|
స్వోచ్చిష్టాయాం స్రజి నిగళితం యా బలాత్కృత్య భుంక్తే
గోదా తస్యై నమ ఇద మిదం భూయ ఏవాస్తు భూయః ||
నిత్యాభూషా నిగమశిరసాం నిస్సమోత్తుంగవార్తా
కాంతోయస్యా: కచవిలులితై:కాముకో మాల్యరత్నై:
సూక్త్యాయస్యా: శృతిశుభగయా సుప్రభాతా ధరిత్రీ
సైషాదేవీ సకలజననీ సించతాత్ మామపాంగై:
మాచేత్తులసీ పితా యదితవ శ్రీవిష్ణుచిత్తో మహాన్
భ్రాతాచేద్యతిశేఖర: ప్రియతమ:శ్రీరంగధామా యది
జ్ఞాతారస్తనయా:త్వదుక్తి సరసస్తన్యేనసంవర్ధితా:
గోదాదేవి! కథంత్వమన్యసులభా సాధారణా శ్రీరసి
కల్పాదౌ హరిణాస్వయంజనహితం దృష్ట్వైవ సర్వాత్మ్నాం
ప్రోక్తం స్వస్య చ కీర్తనం ప్రపదనం స్వస్మై ప్రసూనార్పణం
సర్వేషాం ప్రకటం విధాతుమనిశం శ్రీధన్వినవ్యేపురే
జాతాం వైదిక విష్ణుచిత్తతనయాం గోదాముదారాంస్తుమ:
No comments:
Post a Comment