రామ రక్షాస్తోత్రం

రామ రక్షాస్తోత్రం

బుధ కౌశిక ఋషి

ఓం అస్య శ్రీ రామరక్షా స్తోత్రమంత్రస్య బుధకౌశిక ఋషిః

శ్రీ సీతారామ చంద్రోదేవతా

అనుష్టుప్ ఛందః

సీతా శక్తిః

శ్రీమాన్ హనుమాన్ కీలకం

శ్రీరామచంద్ర ప్రీత్యర్థే రామరక్షా స్తోత్రజపే వినియోగఃll 

ధ్యానమ్

ధ్యాయేదాజానుబాహుం ధృతశర ధనుషం బద్ధ పద్మాసనస్థం

పీతం వాసోవసానం నవకమల దళస్పర్థి నేత్రం ప్రసన్నమ్

వామాంకారూఢ సీతాముఖ కమల మిలల్లోచనం నీరదాభం

నానాలంకార దీప్తం దధతమురు జటామండలం రామచంద్రమ్ ll 

స్తోత్రమ్

చరితం రఘునాథస్య శతకోటి ప్రవిస్తరమ్

ఏకైకమక్షరం పుంసాం మహాపాతక నాశనమ్ ll 

ధ్యాత్వా నీలోత్పల శ్యామం రామం రాజీవలోచనమ్

జానకీ లక్ష్మణోపేతం జటాముకుట మండితమ్ ll 

సాసితూణ ధనుర్బాణ పాణిం నక్తం చరాంతకమ్

స్వలీలయా జగత్రాతు మావిర్భూతమజం విభుమ్ ll 

రామరక్షాం పఠేత్ప్రాఙ్ఞః పాపఘ్నీం సర్వకామదామ్

శిరో మే రాఘవః పాతుఫాలం దశరథాత్మజః ll 

కౌసల్యేయో దృశౌపాతు విశ్వామిత్ర ప్రియః శృతీ

ఘ్రాణం పాతు మఖత్రాతా ముఖం సౌమిత్రివత్సలః ll 

జిహ్వాం విద్యానిధిః పాతు కంఠం భరత వందితః

స్కంధౌ దివ్యాయుధః పాతు భుజౌ భగ్నేశకార్ముకః ll 

కరౌ సీతాపతిః పాతు హృదయం జామదగ్న్యజిత్

మధ్యం పాతు ఖరధ్వంసీ నాభిం జాంబవదాశ్రయః ll 

సుగ్రీవేశః కటీపాతు సక్థినీ హనుమత్-ప్రభుః

ఊరూ రఘూత్తమః పాతు రక్షకుల వినాశకృత్ ll 

జానునీ సేతుకృత్ పాతు జంఘే దశముఖాంతకః

పాదౌవిభీషణ శ్రీదఃపాతు రామో‌உఖిలం వపుః ll 

ఏతాం రామబలోపేతాం రక్షాం యః సుకృతీ పఠేత్

సచిరాయుః సుఖీ పుత్రీ విజయీ వినయీ భవేత్ ll 

పాతాళ భూతల వ్యోమ చారిణశ్-చద్మ చారిణః

న ద్రష్టుమపి శక్తాస్తే రక్షితం రామనామభిః ll 

రామేతి రామభద్రేతి రామచంద్రేతి వాస్మరన్

నరో నలిప్యతే పాపైర్భుక్తిం ముక్తిం చ విందతి ll 

జగజ్జైత్రైక మంత్రేణ రామనామ్నాభి రక్షితమ్

యః కంఠే ధారయేత్తస్య కరస్థాః సర్వ సిద్ధయః ll 

వజ్రపంజర నామేదం యో రామకవచం స్మరేత్

అవ్యాహతాఙ్ఞః సర్వత్ర లభతే జయ మంగళమ్ ll 

ఆదిష్టవాన్ యథాస్వప్నే రామ రక్షా మిమాం హరః

తథా లిఖితవాన్ ప్రాతః ప్రబుద్ధౌ బుధకౌశికః ll 

ఆరామః కల్పవృక్షాణాం విరామః సకలాపదామ్

అభిరామ స్త్రిలోకానాం రామః శ్రీమాన్సనః ప్రభుః ll 

తరుణౌ రూపసంపన్నౌ సుకుమారౌ మహాబలౌ

పుండరీక విశాలాక్షౌ చీరకృష్ణా జినాంబరౌ ll 

ఫలమూలాసినౌ దాంతౌ తాపసౌ బ్రహ్మచారిణౌ

పుత్రౌ దశరథస్యైతౌ భ్రాతరౌ రామలక్ష్మణౌ ll 

శరణ్యౌ సర్వసత్వానాం శ్రేష్టా సర్వ ధనుష్మతాం

రక్షఃకుల నిహంతారౌ త్రాయేతాం నో రఘూత్తమౌ ll 

ఆత్త సజ్య ధనుషా విషుస్పృశా వక్షయాశుగ నిషంగ సంగినౌ

రక్షణాయ మమ రామలక్షణావగ్రతః పథిసదైవ గచ్ఛతాం ll 

సన్నద్ధః కవచీ ఖడ్గీ చాపబాణధరో యువా

గచ్ఛన్ మనోరథాన్నశ్చ రామః పాతు స లక్ష్మణః ll 

రామో దాశరథి శ్శూరో లక్ష్మణానుచరో బలీ

కాకుత్సః పురుషః పూర్ణః కౌసల్యేయో రఘూత్తమః ll 

వేదాంత వేద్యో యఙ్ఞేశః పురాణ పురుషోత్తమః

జానకీవల్లభః శ్రీమానప్రమేయ పరాక్రమః ll 

ఇత్యేతాని జపేన్నిత్యం మద్భక్తః శ్రద్ధయాన్వితః

అశ్వమేథాధికం పుణ్యం సంప్రాప్నోతి నసంశయః ll 

రామం దూర్వాదళ శ్యామం పద్మాక్షం పీతావాససం

స్తువంతి నాభిర్-దివ్యైర్-నతే సంసారిణో నరాః ll 

రామం లక్ష్మణ పూర్వజం రఘువరం సీతాపతిం సుందరం

కాకుత్సం కరుణార్ణవం గుణనిధిం విప్రప్రియం ధార్మికం

రాజేంద్రం సత్యసంధం దశరథతనయం శ్యామలం శాంతమూర్తిం

వందేలోకాభిరామం రఘుకుల తిలకం రాఘవం రావణారిమ్ ll 

రామాయ రామభద్రాయ రామచంద్రాయ వేథసే

రఘునాథాయ నాథాయ సీతాయాః పతయే నమః ll 

శ్రీరామ రామ రఘునందన రామ రామ

శ్రీరామ రామ భరతాగ్రజ రామ రామ

శ్రీరామ రామ రణకర్కశ రామ రామ

శ్రీరామ రామ శరణం భవ రామ రామ ll 

శ్రీరామ చంద్ర చరణౌ మనసా స్మరామి

శ్రీరామ చంద్ర చరణౌ వచసా గృహ్ణామి

శ్రీరామ చంద్ర చరణౌ శిరసా నమామి

శ్రీరామ చంద్ర చరణౌ శరణం ప్రపద్యే ll 

మాతారామో మత్-పితా రామచంద్రః

స్వామీ రామో మత్-సఖా రామచంద్రః

సర్వస్వం మే రామచంద్రో దయాళుః

నాన్యం జానే నైవ న జానే ll 

దక్షిణేలక్ష్మణో యస్య వామే చ జనకాత్మజా

పురతోమారుతిర్-యస్య తం వందే రఘువందనమ్ ll 

లోకాభిరామం రణరంగధీరం

రాజీవనేత్రం రఘువంశనాథం

కారుణ్యరూపం కరుణాకరం తం

శ్రీరామచంద్రం శరణ్యం ప్రపద్యే ll 

మనోజవం మారుత తుల్య వేగం

జితేంద్రియం బుద్ధిమతాం వరిష్టం

వాతాత్మజం వానరయూధ ముఖ్యం

శ్రీరామదూతం శరణం ప్రపద్యే ll 

కూజంతం రామరామేతి మధురం మధురాక్షరం

ఆరుహ్యకవితా శాఖాం వందే వాల్మీకి కోకిలమ్ ll 

ఆపదామపహర్తారం దాతారం సర్వసంపదాం

లోకాభిరామం శ్రీరామం భూయోభూయో నమామ్యహం ll 

భర్జనం భవబీజానామర్జనం సుఖసంపదాం

తర్జనం యమదూతానాం రామ రామేతి గర్జనమ్ ll 

రామో రాజమణిః సదా విజయతే రామం రమేశం భజే

రామేణాభిహతా నిశాచరచమూ రామాయ తస్మై నమః

రామాన్నాస్తి పరాయణం పరతరం రామస్య దాసోస్మ్యహం

రామే చిత్తలయః సదా భవతు మే భో రామ మాముద్ధర ll 

శ్రీరామ రామ రామేతి రమే రామే మనోరమే

సహస్రనామ తత్తుల్యం రామ నామ వరాననే ll 

ఇతి శ్రీబుధకౌశికముని విరచితం శ్రీరామ రక్షాస్తోత్రం సంపూర్ణం ll

(ఈ రామరక్షాస్తోత్రాన్ని ఉగాది మొదలుకుని----శ్రీరామనవమి వరకు, అనగా వసంత నవరాత్రులలో, ప్రతీరోజు 11 సార్లు చదివితే, కోరిన కోర్కెలు నెరవేరుతాయి. అలా చేయలేని వారు 9, 7, 5, 3, అదీ కూడా చేయలేనివారు కనీసం రోజుకి ఒక్కసారి ఐనా చదవవచ్చును.... పుణ్యము వస్తుంది, మన కోర్కెలు తీరుతాయి.)