June 23, 2013

వీర్రాజు గారి పద్యములు 31 నుండి 40 వరకు

31 వ పద్యము.

మంచిని కనుటకే కన్నులు 
పొంచియు వినకు చెడు నీవు పొరపాటగురా 
వంచించ జూడకెవరిని
మంచిని పెంపొందజేయు మనగలవవనిన్ ll 

32 వ పద్యము.

ఆకలి యనుచును వచ్చిన 
నీకడ లేకున్నగాని నీవెపుడయినన్
సాకెడి వారిని జూపిన 
ఆకలి మాటే మరిచియు ఆనందపడున్ ll 

33 వ పద్యము.

ధనమే అన్నిట ముఖ్యము 
అనుటయె  ఒప్పును వసుధను అది ఏమిటనన్ 
ధనమున్నవారు చెప్పిన 
విననుందురు ఎవరయినను వినయము తోడన్ ll

34 వ పద్యము.

డబ్బుకు దాసులు కొందరు 
అబ్బురపడనేల మీరు అనవసరముగా 
నిబ్బరముగ యోచించిన 
అబ్బదు ఆ గుణమెవ్వరికి అవనీతి యనిన్ ll 

35 వ పద్యము.

మనిషికి కోర్కెలు సహజమె 
వినసొంపుగ నుండినయని వినెదరు సుమ్మా 
తను చేయనలవి కానిని 
వినిపించిన నవ్వనుండు విపరీతముగా ll 

36 వ పద్యము.

స్నేహితుని ఇంట పడతుల 
మోహించక మెపుడు నీవు మోసంబగునే 
ఐహిక వాంఛయు విడచిని 
ఆహాయని నిన్నె బొగడు నందరు ఎపుడున్ ll

37 వ పద్యము.

నిన్నాదు కొన్నవారికి 
నెన్నడు నన్యాయము మదినెంచకు సలుపన్ 
తిన్నింటికేను ద్రోహము 
కన్నా యవనీతి లేదు గనవేలనురా ll 

38 వ పద్యము.

సత్యము చేసెడి వారలు 
ముత్యము వలె మెరయుచుండు ముదవలను గొలుపున్ 
నిత్యము సాధన చేసిన 
ప్రత్యక్షముగా పుడమిని ఫలితము నొందున్ ll

39 వ పద్యము.

ధర్మము చేయుట మంచిది 
నిర్మల మనమును విడువక నీవెపుడయినన్
కర్మ ఫలమని తలంచకు 
ధర్మము నీకెపుడు రక్షధాత్రిన్ సుమ్మా ! ll 

40 వ పద్యము.

ఒక్కరు సత్యము చెప్పిన 
పక్కున నవ్వుచు అతనిని ప్రక్కకు తోయున్ 
టక్కరి మాటలు నుడివిన 
ఎక్కువగును సత్కరించు ఎవరికి వారున్ ll

No comments:

Post a Comment