June 13, 2013

"అత్తా --కోడలు" అనే భాగం నుండి 5 పద్యములు.

గుల్లల వీర్రాజు గారి "సూక్తి సుమమాల" అనే నీతి పద్యములు నుండి
"అత్తా --కోడలు" అనే భాగం నుండి 5 పద్యములు.



కూతురు కొడుకగునా యని
నీతులు జెప్పెదరెపుడు నిజమే యనుచున్
ఖాతరు జేయరు కొడుకులు
కూతురె నయమగును కొంత కొడుకులకన్నన్ ||



అత్తలు కొంచెము తగ్గిన
కొత్తగ ఇంటను అడుగిడు కోడలు కూడా
వత్తును పాదములయినన్
పెత్తనమును చేయుదెపుడు ప్రేమతో నుండున్ ||


కోడలు వచ్చిన అత్తయు
నీడవలెను వెంటనుండు నిమిషము విడకన్
కోడలు కూతురు కాదని
తేడానే జూపుచుండు తెలివిగా ఎపుడున్ || 



కూతురు సుఖపడవలెనని
వేతురు పథకములెన్నో వేగిరపడుచున్
ఖాతరు చేయరు కోడలి
నీతిని సంకించుచుండ్రు నేరము లేకన్ ||

 

అత్తయు కోడలొకప్పుడు 
పెత్తనమును చేయబూని భేదము జూపున్
కొత్తగ వచ్చిన కోడలు
బిత్తర పోవంగ మసలు బింకము తోడన్ ||



No comments:

Post a Comment