"సంసార గాధ--సంతాన బాధ" అనే భాగం నుండి 10 పద్యములు.

శ్రీ గుల్లల వీర్రాజు గారి "సూక్తి సుమమాల" అనే నీతి పద్యములు నుండి 
"సంసార గాధ--సంతాన బాధ"  అనే భాగం నుండి  10  పద్యములు.

చాలును ఇద్దరు పిల్లలు 

మేలగు మీకున్ నిజముగ మెలకువ గనినన్ 

కాలము రీతిని గనుగొన 

చాలును సంతతి ఇరువురు చక్కగ నుండున్ ll 1 ll 

హెచ్చుగ సంతతి కలిగిన 

వచ్చెడి రూకలు మిగులక వగచుచు నీవున్ 

కచ్చితముగ రుణమొకచో

తెచ్చియు గడువంగ వలయు తెలుపగ సతమున్ ll 2 ll 

అప్పులు చేయుట మొదలిడి 

ముప్పులు వాటిల్లు నీకు ముందే గనుమా 

అప్పులవారికి తీర్చగ 

ఎప్పటికీ ధనములేక ఎడ్చుటే మిగులున్ ll 3 ll 

పేద కుచేలుని బాధలు 

ఆచరమున దీర్చెననియు అనుటయె సరియా 

ఆదు కొనుటకై కృష్ణుడు 

కాదా ద్వాపర యుగమ్ము కలియుగ మిదియున్ ll 4 ll 

కలిమితో నున్నను నీసతి 

చెలిమిని విడనాడదెపుడు శృంగారమతిన్ 

గలకల లాడగ నిత్యము 

పిలచిన పలుకను నిలచును పెన్నిధియనగా ll 5 ll 

పిల్లలు ఎక్కువ కలిగిన 

ఇల్లును బాగా ఇరుకయి ఇమడదు కనగా 

నల్లరి వారయితే మరి 

ఎల్లరితో తిట్లు తినగ ఎప్పుడు నుండున్ ll 6 ll 

పాలను పట్టగ పిల్లకి 

చాలక ఏడ్చును మరేమి సలుపగ లేకన్ 

వేళకు పట్టగ నేర్వని 

వాళ్ళకు కడుసంతతేల వాదన యేల ll 7 ll 

పతనము కాకను మీరున్ 

సతిపతులొక్కటి యగుచును సంతతి కొరకున్ 

సతమత మవ్వక నిరతము 

అతి మెలకువతో దిరిగిన ఆనందమగున్ ll 8 ll 

ఇద్దరు ముగ్గురు సంతతి 

యొద్దికగా నుండవచ్చు నోహొ యనగా 

పెద్దలు గిరిదాట మనకు 

నిద్దుర కూడను కరువగు నిజమును గనుమా ll 9 ll 

అనుభవ మిదినే చెప్పెద 

వినినను మీకేంతగానో విజయము గలుగు 

ధనమున్నవారు కూడను 

కనుగొంటిని నిజము నేడు కడు విందవగన్ ll 10 ll