అన్నప్రాసనం
ఆడ పిల్లలకి బేసి నెలలోను (అంటే 5 7 9 11నెలలలో) -మగ పిల్లలకి సరి నెలలోను (6 8 10 12 నెలలలో) అన్నప్రాశనం చేయవచ్చని పెద్దలు చెబుతున్నారు. పిల్లలని తల్లి ఒడిలో కూర్చుండబెట్టాలి. పాలతో వండిన పరమాన్నాన్ని ఒక పాత్రలోకి తీసుకోవాలి. ఆ పాత్ర వారి స్తోమతని బట్టి వాడుకోవచ్చును. (వెండి, రాగి, కంచు, ఇత్తడి ఏదైనా). పరమాన్నాన్ని ఒక బంగారపు ఉంగరంతో ఆ బిడ్డకి మూడుసార్లు తినిపించాలి. తరవాత చేతితో తినిపించాలి. ఈవిధంగా తల్లి కూడా తినిపించాక మిగిలిన కుటుంబ సభ్యులు కూడా తినిపించాలి.
ఈ సందర్భంగా వేడుక కోసం మరొక కార్యక్రమం కూడా చేస్తారు. కొంచెం దూరంలో పాయసం, పుస్తకాలు, కలము, కత్తి, పసుపు కుంకుమ, పూలు, పళ్ళు మొదలైన వస్తువులు ఉంచి, పిల్లలు పాకడానికి వీలుగా వదిలిపెడతారు, పిల్లలు పాకుకుంటూ వెళ్ళి ముందుగా ఏది ముట్టుకుంటారో వారికి జీవితంలో ఆ వస్తువంటే ఎక్కువగా ఇష్టపడుతున్నారని అర్థం అని పెద్దలు చెబుతున్నారు. ఆ విధంగా మూడుసార్లు వస్తువులని ముట్టిస్తారు. పిన్న వయస్సులోనే వారి ఇష్టాయిష్టాలు మనకు తెలుస్తాయని పెద్దల ఉవాచ. ఇది సంప్రదాయం ఏమీకాదు. కేవలం ఒక వేడుక మాత్రమే.
No comments:
Post a Comment