పెళ్లికూతురు/ పెళ్ళికొడుకుని చేయుట ..... రాటవేయుట
పెళ్లికూతురు/ పెళ్ళికొడుకుని చేయటం అంటే ముహూర్తం సమయానికి ముత్తైదువులు అమ్మకడుపు చల్లగా, అత్తకడుపు చల్లగా, నీకడుపు చల్లగా, నాకడుపు చల్లగా అంటూ మాడుకి చమురు పెట్టి, హారతి ఇచ్చి ఆశీర్వదిస్తారు.
అదే సమయానికి ఇంటిబయట రాటవెయ్యాలి. నవధాన్యాలు, చిల్లర నాణాలు, పంచలోహాలు పాలలో కలిపి రాట వేసే గుంతలో(గొయ్యలో)వెయ్యాలి. తరవాత పాలకొమ్మ, నేరేడుకొమ్మ, మామిడికొమ్మ ఈ మూడుకొమ్మలు కలిపి, పసుపుకొమ్ము ధారంతో కట్టి, వాటికి పసుపు బొట్లు పెట్టి, గుంతలో ఉంచి మట్టితో కప్పి పైన ముగ్గువేసి ప్రమిదలో జ్యోతి(దీపం) వెలిగించి హారతి ఇవ్వాలి.తరవాత మిగిలిన 3 రాటలు వేసి పెళ్ళిపందిరి వేసుకోవాలి.
తరవాత పెళ్లికూతురు/ పెళ్ళికొడుకుకి అభ్యంగన స్నానం చేయించి కొత్తబట్టలు కట్టించి, కల్యాణ తిలకం పెట్టి, బుగ్గన చుక్క పెడతారు. కూర్చోబెట్టి కాళ్ళకి పారాణి పెడతారు. పీటపైన కూర్చోబెట్టి ఎదురుగా రోలులో రోకట్లో పసుపుకొమ్ములు వేసి దంచుతారు. దంచిన పసుపుపొడిని పళ్లెంలో వేసి పెళ్లికూతురు/ పెళ్ళికొడుకు పైన చెరుగుతారు. ఎందుకంటే వాళ్ళ జీవితం పచ్చగా ఉండాలని అంతరార్థం. తరవాత ముత్తైదువలకి తాంబూలాలు ఇచ్చి, బంధువులకి భోజనాలు పెట్టుకుంటారు.
No comments:
Post a Comment